أثار قرار وقف إعلان الدوندو الخاصة بمنتجات جهينة، جدلًا واسعًا بين نشطاء “فيس بوك”، حيث يرى البعض أنه إعلان مسيء وكان ينبغي وقفه، وبرى البعض الآخر أنه أقل الإعلانات ومنتجات الميديا إباحية.
علقت صفحة بروفايل على ذلك قائلة :” مكنش المفروض حاجة زى دى تعدى من الرقابة اصلا”.
أما “أم آسر” فترى أن الاعلان لا توجد به إباحية كي يوقف:” أولًا أنا مش شايفة إن الإعلان فيه أي كلمة مباحة أو غلط دول أطفال وكلمة دوندو أرحم من أنك تسمع ممثل بيقول عليا الحرام من ديني وأفلام قذرة أعتقد لو المفروض حد يتحاسب يبقى حاسبو الناس دي الاول”.
وتساءل هيثم كامل، أحد النشطاء:”ماذا رأيتم من الدوندوووو حتى تكرهوه؟!، جايين دلوقتي تنكروه ؟ اللي ياما نيمكم و كبركم خلاص نسيتوه؟ اللي ياما طلبتوه بعياط، اللي بسببه كبرتوا و جايين دلوقتي تخونوه، و هو عمره ما خانكم، و لا اشتكى منكم، على عكسكم بتتكسفوا منه و كمان بتلعنوه”.
وكان لبيكو، أحد النشطاء، رد فعل عنيف على ذلك القرار:”والله أنا مش شايف أن في حاجه عيب طيب مدام عندنا رقابه كده وبتتشطر علي الإعلانات ما تروح تشوف المسلسلات وتحدف الحلقات واغتصاب غادة عبد الرازق في “الخانكة” وتجارة محمد رمضان في السلاح والالفاظ اللي بنشوفها دي”.
وتساءلت إسراء محمود، إحدى النشطاء، عن وجود الرقابة قبل النشر:”والله يعنى قبل ما يتعرض كان بيعدى على إيه على المترو ولو إيه مش فاهمة جايين يوقفو لما اتعرض والناس كلها عرفته وبعدين الإعلان مفهوش حاجة خالص بس المشكلة فى عقلية الناس ولو المفروض يوقفوا يبقى اللى يتوقف الأفلام والبلطجية اللى بنشوفهم والأغاني”.
ورأى محمد سجان أن هذا القرار متأخر جدًا:”بعد إيه ده أنا نزلت الحسين، لاقيت نص الشباب اللى هناك بيقولو الدوندو جامد الدوندو حلو يا جدعان حد يفهمنى .. لاقين واحد رد عليا يقولى إيه ياعم أنت مش من مصر قولتله ليه، قالى اصل الدوندو ديه اختصار ل اللهم انى صائم .. فوجئت بعد طبعا كنت ماشى عمال أغنى الدوندو حلو الدوندو جامد وأنا زى الاهبل اتارى البنات بتبصلى بقرف وعايزه تضربنى”.
جاءت معظم التعلقيات منددة بجميع ما يعرض في المسلسلات والأفلام خلال شهر رمضان وغيره من الأشهر، حيث أنها تخدش الحياء وتؤثر على سلوك الأطفال بشكل سيء.
وعلى الرغم من اعتراف الكثيرين بإباحية الإعلان إلا أنهم رأوا أن إباحيته لا تأتي ذرة في إباحية المسلسلات.