على هامش حفل الإفطار الذى أقامته أمانة جنوب القاهرة بالحزب المصرى الديمقراطى ناقش الحضور أزمة دهشور التى سيطرت أحداثها على كل الحاضرين
على هامش حفل الإفطار الذى أقامته أمانة جنوب القاهرة بالحزب المصرى الديمقراطى ناقش الحضور أزمة دهشور التى سيطرت أحداثها على كل الحاضرين. وقالت الدكتورة عايدة نصيف أمينة جنوب القاهرة بالحزب أن المشكلة تكمن فى الأصولية الدينية المتشددة والتى أصبحت متمددة فى مصر بعد الثورة ولا تخضع للقانون.
وأكدت الدكتورة هنا ابو الغار أن التمييز أصبح طاغيا فى المجتمع المصرى، وأضافت أن وجود شارع فى القرية يحمل اسم شارع النصارى يدل على وجود مشكلة متجذرة فى المجتمع المصرى مشية إلى أن الحكومة المصرية تصرفت ببلادة مع الأزمة.
واختتم اللقاء بقصيدة للدكتور عدلى انيس أستاذ الجغرافيا بآداب القاهرة جاء فيها:
دهشور
يا وابور الســـــاعة 12 … وديني على دهشور
فرجني على اللى جرى … واللى عليــــه الدور
دهشور بلد الفراعنـــــة … في العمق ليها جذور
فيها نـــاس تقــتل بعض … وخواجة جــاي يزور
رمضان كريم ياخـــوانا ايـه بس غـير حالــنا
شـايف هـنا تكــسير … شـايف إزاز بيطــير
شــايف حـطام ودمار … وبيوت طايلها النار
دي حقيقة ولا كلام تقصيص … بلد تنقلب لاجل قميص!!
رمضان كريم ياخـــوانا ايـه بس غـير حالــنا
دا انت مصري وهو مصري ….. والتراب اللى بتمشوا فوقه مصري
والهوا اللى جوه جوفك …… والهوا اللى جوه جوفه برده مصري
من نهر واحد ترتوي انت وهو …… من زرع واحد تشتهي انت وهو
ولرب واحد تنحني انت وهو ……. ولتراث واحد تنتمي انت وهو
رمضان كريم ياخـــوانا ايـه بس غـير حالــنا
وانا راجع شفت واحد من اللى صابهم التهجير
قال وانا مالي يا بيه والله ما شفت المكاوي والله ما عرفت القميص
وانت يا صاحب القميص ليه ما روحتش للبوليس
اخذت حقك بالقانون ولا حلو لما حطيت البلد فوق الكانون
رمضان كريم ياخـــوانا ايـه بس غـير حالــنا
يا سعادة البيه يا راجع في الوابور
عاوز احملك امانة قول لمرسي الشوارع والنظافة حلوة ياما
قوله نفسي نلقى حملة للنظافة تنتقل من الشوارع للعقول
تنتقل من الشوارع للقلوب تنتقل من الشوارع للنفوس
رمضان كريم ياخـــوانا ايـه بس غـير حالــنا
إ س