اعتاد نشطاء موقع التواصل الاجتماعي “تويتر”، التفاعل مع بعضهم البعض حول ما يدور في أذهانهم، بخصوص الأمور الشخصية، وكان آخر التساؤلات “أيهما أفضل زواج الحب أم زواج الصالونات؟”.
عبر محمد عن وجهة نظره، قائلًا :” البحر شكله حلو بس مينفعش أشرب منه، وفي ناس شكلها حلو بس مينفعش تتعاشر هي دي الحياة”.
أما آية فكان لها رأي آخر :”ولا ده ولا ده، باسبورك وشهادتك وهاجري خدي جنسية نضيفة واتجوزي واحد تركي ولا أمريكي ولا أي واحد بيقدر البنت فعلا ويحبها”.
وعبر الهنوف عن رأيه باسلوب مرهف:”أوعدك يمُر عمري أحبك، كل يُوم وأعيش لك ومعِك”.
فيما مزح مجنون، قائلًا :”حضرتك متجوزة جواز صالونات، لا الحقيقة متجوزة جواز مطابخ من ساعة، ما اتجوزت مابفارقش المطبخ الصراحة”.
وظهر تشاؤم همــــســة في تعليقها:”الاتنين هيطلقوا في الآخر، الحكايات بتقول كده”.
وانتقدت سالي رمضان الوصف:”مفهوم الجواز عند الناس غلط الاتنين فيهم الفشل والنجاح الأهم من دا الاحترام والتقدير بعد الجواز دا اللي بيكبر كل حاجة”.
وأيد عبدالرحمن زواج الصالونات:”على فكرة مش بكلامي جواز الصالونات بيستمر بنسبه أكبر بكتير جدا من جواز الحب”.
وعرضت نايوران ما واجهته في الواقع :”مش عارفة أقول إيه بجد، بس كل اللي اعرفهم واتجوزوا عن حب اتطلقوا”>
وأكدت ريم على أن الجميع نهايته زواج الصالونات :”خلينا متفقين إن إحنا في الآخر هنتجوز جواز صالونات”.
وناقشت أطريمو الموضوع:”شايف إن الصالونات بيكون أنجح من الحب، لأن الحب بيقل مع الوقت و كل جيل الحب بيختلف فيه عن الجيل اللي قبله”.