تداول نشطاء موقع التواصل الاجتماعي “فيس بوك”، صورًا لحملة في مترو الأنفاق باليابان، تدعو الرجال إلى ضم أرجلهم، احترامًا للنساء، معلقين عليها :”دي بقا لو نزلت مصر العلامات الصفراء، كل مواطن هيخلي رجله على واحدة، يعني هيستخدم أربعة تيجي تقوله حضرتك لا أنت ليك واحدة بس، يقولك ياعم أفهم دي عملينه الصين رجليهم صغيرة عن رجالينا يا جدع اقعد بس”.
واعترض حازم زيدان، على الحملة قائلًا:”أنا مش مع الموضوع دا بس نيجي للصح مفروض فيه عربية ليكي يا بنت اسمها عربية سيدات دي بتاعتكم.. بس لما تدخلو مكان مش بتاعكم احنا بنستحملكم مع ان مينفعش راجل يدخل عربية السيدات”.
أنا منهى فعبرت عن حزنها لتدهور حالة الذوق العام في المجتمع العربي:”سبحان الله أكتر حاجة بتخلي الواحد يحزن إن الدول الأروبية والغرب بيطبق قواعد الاتقان والكد، وإحنا العرب مفيش عندنا أي حاجة من دي”.
ودافعت سومة عن الشباب، قائلة :”والله مش كله شوفت ولاد كتير محترمين وبيقعدوا باحترام ولو البنت هي اللي رجليها لمسته بيبعد هو فا متعمموش في ناس كتير محترمة ومتربية صح”.
وعلى النقيض تماما كانت آلاء:”المفروض البنت تمسك بايدها إبرة توخز بيها اللي بيقعد كده جمبها وبيضايقها”.
فيما عبرت سميرة عن تضجرها :”اه والله بقت حاجة قرف ومبيراعوش إن اللي جنبهم بنات، وإن مش ينفع دا أو إن دا بيضايقهم ياريت يعملو كده في مصر”.
وأكد محمد على أن من يفعل ذلك غير محترم :”والله هو لو متربي ومحترم هيلم رجله من غير أدلة ولا قوانين ولا إجبار”.
ودافعت سومة عن الفتايات، قائلة :”الناس اللي معلقة غلط معظم الشباب ع عربية السيدات في المترو، طب والمواصلات أيه نظامها نعمل فيها إي منتعلمش ولا نروح جامعتنا ولا نروح مكان ولا نسكت ومنتكلمش والله لو في مواصلات للسيدات بس هنركبها والله زى ما الأغلبية بتعمل في المترو عشان منتخانقش مع أي واحد بارد أناني باصص لنفسه وبس وهو يقعد واللي جمبه تولع وميتعدلش غير لما تزعق معاه”.
Discussion about this post