تداول نشطاء موقع التواصل الاجتماعي “فيس بوك” ، صورة لمتسول تم القبض عليه وبحيازته 7000ج، ما أثار جدلًا واسعًا بينهم.
وقد أرجع البعض الخطأ على الشعب الذي يشجعه على ذلك، فيما يرى البعض الآخر أنه رجل مسكين ولا يحق القبض عليه.
قالت “لست من هذا العالم”، إحدى النشطاء: “الشعب لسه لحد النهارده مش فاهم إن دول مش متسولين”.
بينما قالت شريهان، أن هذه الفكرة مسيطرة على فكرها منذ زمن:”في دماغي الفكرة من زمان، بس محتاجة حد يشجعني“.
وهذا ما أكد عليه أحمد عبد العظيم:”أنا معايا مؤهلات تسول حلوة .. فين التقديم”.
وتابع ردًا عن المدافعين عن هذا الرجل:”ده مش مبرر أنه يقلب الناس يوميا في ٧٠٠٠ الاف جنيه؟؟! يعني ٧٠٠٠ جنيه في ٣٠ يوم بيساوي ٢١٠٠٠٠ يعني في الشهر حوالي ما يقرب من ربع مليون جنيه يني في السنة حوالي ٤ مليون جنيه …. لا عندك حق غلبان واضح أن عنده مشاكل كتير … هو فعلا عنده مشكلة و هي أنه معندوش كرامة”.
وكان ذلك ردًا على كيكو حين قالت :”أنتوا شايفين الراجل شكله في منتهى الغلب ولولا ظروفه الصعبة ما كنش شحت حرام عليكوا ليه تقبضوا عليه، هو حرامي سرق الناس هو طلب مساعدة من الناس والناس ساعدته وربنا رزقه برضا الناس ارحم من في الأرض يرحمك من في السماء ياريت تسيبوه”.
واتخذ محمود عبد العليم من ذلك الرجل دليلا على الزهو الاقتصادي:”اللي مش عاجبه البلد و بيقول خربت يجي يشوف شحات حصيلة يومه من المقهورين اللي مش لاقيين ياكلو زي ما بيقولو وفي بلد واحده قيس علي كده وفصل يا منتقد وانت قاعد تقطع بلسانك في عرض البلد”.
وتساءلت علا عن أسباب ارتفاع قيمة النقود التي أمامه:”هو ازاي كل الفلوس اللي قدامه كبيرة يعني أقل قيمة قدامة 20 جنيه!! مش غريبة شوية دي“.
وبرر له خالد وليد، أنه عجوز ولا يستطيع العمل:”حرام عليكم ده راجل كبير مش قادر يشتغل انما تعالو شوفوا شباب بتتسول عادي مع أنهم قادرين علي العمل“.
وتساءلت هدير أيضًا عن سبب القبض عليه:”معلش بس عايزه اسأل انتو بتقبضوا ليه عليهم على الاقل هما بياخدوا الفلوس برضا الناس يعنى انت ايه مشكلتك وبتقبض عليهم بتهمه ايه ولما تاخد منهم الفلوس هما هيعملوا ايه يعنى الراجل اللى ف الصوره ده تفتكر هيعمل ايه ولا يشتغل ايه مانا عايزه افهم فيه ايه”.