انتهى الشوط الأول من مباراة الأهلي و زد بالتعادل السلبى، واهدر لاعبو الأهلي العديد من الهجمات نتيجة وجود قصور في إنهاء الهجمة.
ويري الإعلامى الرياضي محمد فارس أنه لابد من إجراء تغييرات ونزول وسام أبو علي ، وكتب فارس “احنا افضل من ماتش انبي بس في نفس الوقت احنا بعيد اوي اوي عن مستوى الأهلي اللي نعرفه
دقة انهاء الهجمات كارثي و نص الملعب العمق مفيهوش اي لاعب مبدع يطلع كورة واحدة يضرب بيها خطوط المنافس . الاهلي تقليدي جدا وبيلعب كورة محفوظة
عمر كمال عمل عرضيات ممتازة وبيتحرك كويس جدا وبيعمل ال overlapping مع رضا سليم صح بس مين بيستلم !!!!
وسام ابو علي لازم ينزل وانت بتسنتر مش بعدها بدقيقة وكل دقيقة هو مش في الملعب انت خسران كتير وتقدر تودي كهربا بدل طاهر وافشة ينزل على الدايرة وتسحب حد من ال ٣ الارتكاز
ماتش زي ده انك تستنى في التغيير للدقيقة ٦٥ يبقى بنهرج.