بعد أن نشر أحد المواقع الإخبارية تسجيل صوتى للحكام البنا والحنفي في مباراة الأهلي والبنك الأهلي بالدوري الممتاز عن تعطل الفار في بعض الكرات الهامة، قال الإعلامي الرياضي محمد فارس: “طريقة تعامل لجنة الحكام مع فضيحة البنا والحنفي في ماتش البنك هي طريقة كارثية، المشهد غريب وأنا حكيت عن واقعة ليفربول وتوتنهام وازاي الليفر طلب الملف الصوتي لغرفة ال VAR والاتحاد الإنجليزي عرض المحادثة على موقعه الرسمي وطلع اعتذار رسمي لليفربول.
سيبك من إننا كنا وحشين جدا فنيا ونستحق نخسر ككورة بس انت لو ركلة الجزاء دي اتحسبت كان الماتش خلص لصالحك.
فكرة التسريبات والأخبار عن إيقاف الثنائي ده اسلوب غير محترف لازم يكون في مكاشفة للرأي العام ولازم يتعرض حديث غرفة ال VAR ويتبعت للأهلي ولازم اعتذار رسمي للأهلي.
اللي حصل في ماتش الزمالك والإسماعيلي من محمد عادل ومحمد معروف وركلة جزاء واضحة متتحسبش واللي حصل في ماتش الاهلي والبنك وعدم احتساب ركلة جزاء للاهلي, دي مش اخطاء عادية او واردة ده مهازل, وفارق في نقاط بيغير في فرص كل فريق في الجدول.
ورسالة لكل واحد طيب ومشيها طيب مشي ورا هوجة حكامنا بهير بعد كأس الامم ونفخ في حكام على الله حكايتهم.