خلال البرامج الرمضانية تم استضافة نجم الأهلي محمود عبد المنعم كهربا في أحد البرامج الحوارية والتي تحدث خلالها على فترات تواجده في الزمالك والأهلي ، وكانت أهم تصريحاته كالتالى:
لعبت في الناديين الأهلي والزمالك.. ولكن في الأهلي له سيستم ونظام مختلف مفيش نجم واحد والجماعية هي المسيطرة على الفريق.. ولما كنت في الزمالك كنت أنا نجم الفرقة مش شيكابالا خالص ودا شئ معروف، ومش غرور خالص دا ثقة، ودا بالارقام طبعًا.
في لاعيبة كويسة في الزمالك، بس أنا مش هتكلم عنهم، وأنا مبخافش من أي حد في الملعب.. ومفيش مدافع بقلق منه والله العظيم خالص برة النادي.
لكن في الأهلي في 3 لاعيبة بقلق منهم عبدالمنعم وياسر إبراهيم وأكرم توفيق، بنبه عليهم لما استلم الكورة محدش يقرب مني، لانهم هياخدوني والكورة برة الملعب.. وهما اخواتي طبعا، وطول عمري بلعب معاهم في التقسيمة.
محمد عبدالمنعم بالنسبة لي أحسن مدافع في مصر، وشايف انه يكمل معايا في الأهلي، واحنا كلاعيبة تحت امر النادي، لو الأهلي وافق خلاص، مش موافق كلنا نخدم النادي الأهلي، ولو جاله عرض افرح له، ومستواه يوصل العالمية ويلعب لاكبر اندية اوروبا.
معنديش دلوقتي عروض احتراف برة دلوقتي خالص.. بس كان عندي عرض في شهر 1 بس.