لم تنتهى أصداء تعادل المنتخب الوطنى مع منتخب موزمبيق والذى جاء بطعم الهزيمة في الجولة الأولى من دور المجموعات بالمجموعة الثانية ببطولة أمم أفريقيا.
وتحدث الخبراء والمحللين عن أدوار اللاعبين والدور الذى لم يقم به فيتوريا.
وقال الدكتور محمد العدل:
صلاح مصنف كأحسن رايت ونج فى العالم يلعب فى نص الملعب ليه؟!
زيزو مالوش دور ومش عارف كان ايه مركزه و اعتقد فيتوريا نفسه ما كانش عارف .. زيزو وصلاح مايلعبوش مع بعض.
هانى المفروض بيساعد معاه لاعب خط النص اليمين اللى هو مش عارف بيلعب فين فبقى لو حده فأصبحت المنطقة اليمنى عندنا مباحة.
الننى مشطب و مش احتياطى حتى فى فريقه يلعب اساسى بأمارة ايه؟؟
خط الدفاع كله فى حالة يرثى لها احمد حجازى بطيئ و اضر اللى جنبه اكتر ما أفاد.
ڤيتوريا بيتفرج على المباراة زينا بالظبط واتصدم من الهدفين زينا بالظبط وتفكيره وقف وتغيراته متأخرة ومش مفهومة.
مازالت المجموعة فى المتناول..نفكر فى المنتخب مش كيف نرضى اى جهة او اي لاعب
وربنا يسهل ويستر احنا بندور على حاجة تفرحنا
وبالمناسبة أنا لا ادعى انى متخصص أنا مجرد متفرج ومشجع.