أكد المحلل الرياضي حمادة الشناوي أن بيرسي تاو لاعب الأهلي يعتبر حالياً من أذكى اللاعبين في مصر الذى بتحرك يطلب الكرة في مواقف خطورة.
وقد سجل تاو في أولى مباريات الأهلي بالدوري أمام المصري هدفين رائعين.
وكتب الشناوي” أذكى لاعب حاليا ف مصر بيعرف يتحرك ويطلب الكرة في مواقف خطورة هو بيرسي تاو
الأمر ده مش عشان الهدفين دول لأ بالعكس ابسلولتي.. تاو من وقت ما جه الأهلي وهو متميز بيها
بس عدم وجود لاعب مُمرر جيد من العمق أو من خطوط متاخره عشان بلغة الكرة يشغله
تاو مش بس بيتحرك عمودي بشكل كويس لأ بينزل لتحت عشان يساعد في عملية الخروج بالكورة
وبيتحرك بشكل عرضي عشان يسحب معاه حد ف الملعب ف يفتح مساحه ل غيره
الشيئ الآخر هو تواجد بيرسي تاو في موقف واحد علي واحد قريب من المرمى بيبقي موضع خطورة علي المنافس.
بيعرف يفتح لنفسه زاوية تسديد حلو اوي الحقيقة وده ظهر ف أول لقاء ليه مع الأهلي لو فاكر ماتش الإسماعيلي.
تاو هو اسعد شخص ب تواجد لاعب زي امام عاشور عنده عين كويسة بجانب جودة تقنية محترمة ف يقدر يبعتله كرات طويلة كويس أوي.
تاو الموسم ده هيكون موسم مختلف لأن العناصر اللي حواليه كويسه جداً وهتخدم عليه بشكل كويس أوي.