قال الرئيس عبدالفتاح السيسي، إنه كان هناك نقاشا الفترة الماضية عن سبب إرسال المعلمين للأكاديمية العسكرية.
وعقب الرئيس السيسي، خلال جلسة “بناء الإنسان” ضمن فعاليات يوم الاحتفال بتفوق جامعات مصر، اليوم الثلاثاء: “أنتم بتقولوا إن حصل تطور في مجتمعنا، أنا اليوم المعلم اللي عايزة في المدرسة مهاراته وانتماءاته واستعداداته هتكون عاملة إزاي، لأننا هنسلم أبناءنا للمدير أو المدرس ده، وإحنا بننتقي، وعندنا فرصة نبذل جهد معاه عشان نجهزه وأساعد في تأهيله ليقوم بدور أنا محتاجه، أنا عايز مدرس يروح المدرسة الساعة 6 الصبح، أنا بقعده 6 أشهر يصحى الساعة 5 الصبح، أنا عايز معلم يهتم بالرياضة، يتم وضع المعلم في برنامج عام، والفني مش بتدخل فيه، أنا لو أقدر أعمل ده في كل مؤسسات الدولة هاعمله لأننا في حاجة إلى تحقيق الالتزام والتقدم وأن يكون الجهاز الإداري أكثر عطاء، واللي عنده أفكار تانية يطرحها وإحنا نعملها”.
وتابع: “ولو عندي فرصة أعمله مع الـ30 ألف معلم أنا مكنتش هاتردد بس مقدرش، هاقعدهم 6 أشهر عشان يصحوا الساعة 6 وينتهبوا للرياضة؛ لأن اللي هايقوله المعلم هايتحط في عقول أطفال صغار، الثقافة والممارسات هي اللي طالب هايشربها من المدرس، أنا محتاج أطمن على صياغة شخصية مصرية”.
واستطرد: “عمري ما خبيت حاجة، وهنشوف نتيجة الفكرة دي، الـ1000 مدير اللي هايقودوا المدارس هانديهم معلمين مش بس متميزين ولكن مدخلوش في حقل التعليم من قبل، عشان الفكرة تكون قابلة للتميز، إحنا بنحسن أكثر في ظل موارد مش موجودة، والفكرة دي عملناها مع وزارات النقل والمالية، دا عشان إعادة الشخصية”.
يذكر أن الرئيس عبدالفتاح السيسي، وصل صباح اليوم الثلاثاء، إلى جامعة قناة السويس ضمن فعاليات يوم الاحتفال بتفوق جامعات مصر.
وعقد الرئيس السيسي، اجتماعا مع أعضاء المجلس الأعلى للجامعات، كما التقى بعدد من رؤساء وممثلي اتحادات طلاب شباب الجامعات