لما بنشوف حد بيحفظ الألحان و الأغانى من أول مرة بدقة و بالعُرَب بتاعتها، بنقول: ده أذنه موسيقية … مش كده ؟؟
طب تفتكروا ايه الفرق بين الشخص اللى أذنه موسيقية و بين أى شخص تانى ؟؟
👈🏻 الفرق هو: تمييز النغمات عن بعضها البعض تمييز دقيق فور سماعها …
أذنه بتقدر تفرق بين النغمات و درجاتها و مسافاتها على السلم الموسيقي.
طب ازاى نقدر ندرب أذننا على أنها تتذوق النغمات و تميز ما بينها، ازاى نقدر ندربها على انها تكون موسيقية ؟؟
نقدر نعمل كده باننا نعرف ايه هى المسافات بين النغمات و ازاى بتفرق فى الدرجة الصوتية (التون)، و ازاى نقدر نغنيها و ننتقل بينها انتقالات صوتية سليمه.
و فى حلقة النهاردة هنتدرب على كل ده بتمارين سهلة و بسيطة :