فوجئ متابعي الفنان رامي جمال بإعلانه اعتزال الفن عبر حسابه الشخصي بموقع التواصل الاجتماعي فيس بوك و “إنستجرام” نتيجة حالته الصحية و إصابته بالبهاق، والتي يعاني منها منذ حوالي عام ،حيث نشر إيضاحًا حول طبيعة مرضه قال فيها:
“الحمد لله الذي أحبني فابتلاني وقدرني على الصبر.. من فترة ظهرت بقع بيضا في جسمي وبالكشف عرفت إنه مرض البهاق، وجربت أنواع علاج كتير ودكاترة كتير ومفيش فايدة”.
وأضاف: “رضيت وسلمت أمري لله عشان عرفت إن الزعل بيزوده وكفاية شغلانتي وصعوبتها والقلق الدائم من المستقبل، وفعلا بقى بيزيد لدرجة لفتت نظر ناس كتير، اللي بقى يقوللي هتتعامل إزاي وأنت فنان واللي يخاف يسلم عليا واللي يسألني هو ده معدي”.
وتابع: “أنا بقالي سنة فعلا لو عندي حفلة أو تصوير بتعب على ما أشوف طريقة أخفيه بيها، لدرجة خلت ناس تقولي شوف بيزنس تاني اعمله عشان الناس مش هتقبلك كدة، وفكرت في كلامهم بصراحة”.
واستكمل: “لقيت إن عندي حلين يا فعلا شكرا لحد كدة على الشغلانة دي رغم حبي ليها وعدم معرفتي بغيرها، يا إما مش هداريه تاني وتقبلوني بيه وترحموا كل اللي ربنا ابتلاهم بيه من نظرة إن شكله غريب، والحمد لله على نعمة الأهل لأنهم الوحيدون اللي بيقبلوا الواحد زي ما هو”.
يذكر أن البهاق هو أحد الأمراض الجلدية المنتشرة في العالم، ويعرف بزوال اللون الطبيعي للجلد على شكل بقع بيضاء واضحة في الجلد، وقد يكون شاملاً للجسم كله كما قد يكون في مكان واحد، وتتكون البقع التي تشكل مرض البهاق بسبب فقدان الخلايا الملونة التي تنتج مادة الميلانين، والتي توجد بشكل أساسي طبيعي في الجلد.
وتداول رواد مواقع التواصل الاجتماعي في مصر، تغريدة المطرب رامي جمال بشكل واسع، وتباينت ردود الفعل حول ما أعلنه، معبرين عن دعمهم للمطرب المصري في مرضه ,وقدم عدد كبير من الفنانين الدعم له فكتبت إليسا:”ممنوع تغيب وممنوع يكون البهاق عذر لغيابك. إنت بتقول ابتليت بالبهاق، بس مش سبب لتخاف وتغيب. في ناس ابتلت بالكذب والخيانة والسرقة وما هزت. وجودك أساسي ومتل ما إنت بتقول: أصل الحكاية مش حكاية “شكل”… حكاية روح”.
أما أحمد جمال فقال:”سلامتك يا رامي يا حبيبي أولاً ربنا ما بيختارش غير الخير و تأكد ان كل اللي بيحصلنا في الدنيا من تدبير ربنا و رحمته بينا، ثانياً جمهورك اللي بيحبك هيفضل يحبك و مكمل معاك بأي شكل و ف أي وقت ثالثاً و ده الاهم مفيش ” جمال ” ضعيف كل عيلة جمال جامدين يلا يا بطل أنا مستني الألبوم”.
وكتب هشام جمال:”عندي احساس من كلامك ادأن دي هتكون بداية مرحله كلها نجاح ونضوج وتركيز أن شاء الله الف مليون سلامه عليك يا رامي ومستنيين الاغاني الجديدة.
ودعم تامر حسني رامي من خلال بوست على الفيس بوك كتب به:”إلى الفنان الكبير و الصديق الحقيقي و المحترم رامي جمال يا حبيبي أنت فنان كبير و محبوب و ليك قيمتك و كل الناس بتحبك و مفيش حاجه هتعطلك عن نجاحك ، و تعبك دا لاهو مؤذي ولا مُعدي و كل الناس جواها تعب في منه اللي ظاهر و في منه اللي مش ظاهر حتى لو كان تعب نفسي او مادي كل شخص جواه وجع من حاجه معينه المهم اننا نبص و نتعلم من اللي ظروفهم اصعب مننا و رغم كدا عندهم صبر و بينجحوا في الإختبار و بيقولوا الحمدلله و مكملين و عندهم إراده و بينجحوا اكتر من الأول لازم تكمل نجاح يا رامي و شيل اي هلاوس من دماغك و اوعى تخبي نفسك اللي بيحبك بيحبك لشخصك و فنك صدقني دي حاجه عاديه يا رامي والله ملهاش اي تأثير لا عليك ولا على جمهورك بالعكس بقى انت اكيد شايف الناس كلها طيبين ازاي و نفسهم يفرحوك و بعدين إفتكر ان مايكل چاكسون جاله نفس اللي جالك و بقى اسطوره مبتتكررش خاااااص وانت فنان و عارف …انا واثق انك مؤمن و بتحمد ربنا و هتقوم و هتكمل و هفكرك قدام كل الناس اللي شايفه كلامي انك هتنجح اكتر و اكتر و ربنا هيكرمك اجمل كرم و هتشوف قريب
بحبك يا رامي”.
كتبت المطربة التونسة لطيفة: “حبيب قلبى يا رامى يا مبدع يا محترم يا مختلف اوعى تفكر كده اول حاجه لازم تقول الحمدالله على كل حاجه ربنا يكتبهالنا تانى حاجه دى حاجه حصلت لناس كتير وتعالجت منها الحمدالله وبعدين احنا بنحبك على موهبتك وفنك الرائع وكل جمهورك وانا منهم
بنبقى مستنيين جديدك دايما”.
وعلقت أيضًا الفنانة إيمان العاصي علي منشور رامي جمال، فقالت: “حبيبي يا رامي انت اقوي من اي حاجه وفنان و موهوب ونجم وكل ده ولا حاجه قصاد نجاحك وحبك لفنك ربنا يقدرك علي الناس عديمة الإحساس.. ربنا يخليلك ناريمان بالدنيا”.
وقال الشاعر الغنائي تامر حسين معلقًا علي منشور رامي: “ياروما ياحبيبى يا صديقى المُحترم ربنا يعافيك ويشفيك الناس حبيت فنك الحانك شخصيتك سيرتك الباقى كله والله شكليات وربنا يفرحك ويطمنك وكل اخواتك وحبايبك فى ضهرك دايماً”.
بينما استنكر الفنان محمد نور، ما ذكره “جمال” بشأن تفكيره في الاعتزال قائلًا: “إيه اللي أنت بتقولهً ده دي حاجة عادية زي أي حاجه، أنت جميل، وكل الناس بتحبك، فنان كبير، وأنا من أول جمهورك وأول واحد قلتلك لازم تغني”.
وعلق المطرب محمد نور، عبر حسابه في “انستجرام”: “إيه اللي إنت بتقوله ده.. دي حاجة عادية، زي أي حاجة.. أنت جميل وكل الناس بتحبك، فنان كبير وأنا من أول جمهورك، وأول واحد قلتلك لازم تغني، أخويا وصاحب عمري، بحبك قد الدنيا”.
فيما حرص الفنان عمر السعيد، على دعم رامي، عبر حسابه في “انستجرام”: “بنحبك زي ما أنت”.