تقدم فرقة “الهاية” مهرجان للفن للجامعيين من اليوم الموافق 8 إلى 11 نوفمبر الجاري، في بني مزار، وينظم للسنة الثانية في الصعيد، تحت تنظيم Adc Egypt وإشراف فني الأستاذ حمدي طلبه و مدير المهرجان أخويا إبرام ناصر.
يقول أبانوب بباوي أحد المشاركين بالمهرجان، إننا نعرض فيه عرض مسرح كبير ورسم لايڤ وشعر و غناء وفريق عزف، وهو للسنة الثانية، وحضر جمهور كبير.
ويتحدث أبانوب عن الفقرات الموجودة بالمهرجان، ويقول سنتكلم عن الفن لو قريت عن أول موهبه هيجيلك فضول تكمل الباقي، وسنبدأ بالمزيكا، المزيكا اللي بتغير مودك وتخليك منسجم ومبسوط.
كمل يوجد تمثيل ، فيقول :”التمثيل ده فعلا من أكتر المواهب والفن اللي ممكن تخليك عايز تعيش لو مش بتحب الدنيا ويديك أمل ف الحياة ويظهرلك الحقيقة ويكئبك وتلاقيه عالجك هتدخل تتفرج ع مسرحيه غصب عنك هتتعلم منها لأنها هتعرض حقيقتك.(الجلوس في المسرح لمشاهدة مسرحية, يبعث فيك البهجة والسرور كما لو كنت في قاعة البرلمان)..
و المسرح بيديك أكتر ما بياخد، كما أن الرسم تجسيد للجمال, والمسرح تجسيد للأفكار، وهما معاً من أشد الوسائل فاعلية في التثقيف والتنوير.
أما فيما يخص الشعر يقول أبانوب: مش هتكلم عنه كتير.. بس الشاعر قد إيه فعلا هو عظيم أنه يكتبلك ديوان تقراه أو تسمعه تستمتع بيه وبحلاوة الدنيا ويبسطلك كل كبيرة وصغيرة. (الشعر هو فن جمع المتعة بالحقيقة)
كما يحتاج الليل إلى نجوم، كذالك يحتاج المجتمع إلى شعراء.
أما عن الرسم وضح بقوله “يعني ايه ورقه مرمية ف الشارع تتحول للوحة فنيه! ورقة وقلم وفرشة وشوية ألوان وفنان قادريين أنهم يجمله العالم. (الرسم طريقة أخرى لكتابة المذكرات) افتح عينيك واحلم وارسم أنت مبترسمش لأي حد. أنت بترسم حلمك. الفكرة لما بتتحول لرسم أو نحت بتتخلد واعرف أن بعد آلاف السنين الناس لما تشوف الرسم والنحت ده هيقوله إن البلد دي كانت بلد عظيمة مليانة فنانيين ومهندسين عباقرة” .
إن العلم والفن هما الحياه من غيرهم الشعوب تموت ومنستحقش الأرض اللي إحنا عايشيين عليها، كل ذلك عبارة عن علاج للمجتمع.
ويكمل، لذا فرقتنا نظمت مهرجان جامعيين به كل المواهب دي، فيه عرض مسرحيه اسمها #الجبانة، أوعدكوا أن المسرحية دي هتكون بتتكلم عن كل حد هيكون موجود..مش بس كدا وهيكون فيه عرض رسم مختلف جدًا جدًا عن أي عرض عملته من قبل (عزف مع رسم لايڤ بفكرة جديدة ومغامرة) هيكون عرض مجنون، وفريق مزيكا وغناه على أعلى مستوى هيبسطونا معاهم بأفكار جديدة وهيكون معانا شاعر كبير أنا شخصيًا بعتبره من أكبر شعراء مصر ويستحق كل التقدير هتحبوه جدا.