في لفتة جميلة تحمل الكثير من المحبة والتآخي والتكاتف والاحساس بالغير، نشرت إحدى رواد على موقع التواصل الاجتماعي فيس بوك منشورًا تدعو فيه للصلاة والدعاء من قبل المسيحيين لإخواتهم المسلمين أن يتحملوا الصيام الشهر الكريم في هذا القيظ الشديد، والحرارة المرتفعة التي ضربت انحاء البلد .
وقد لاقى المنشور حفاوة وترحيب شديدين من قبل الجميع، وامتلأت التعليقات بالدعاء والتشجيع على الصيام وأن يهون الله على الجميع شدة الحرارة ويساعد كل صائم على صومه في هذا الصيف الساخن جدا، ويعين كل من يعمل بالخارج في هذه الأجواء ،ولا عجب أن ضجت التعليقات بالمحبة والبهجة والدفء والوحدة الوطنية التي طالما عهدناها في بلدنا مصر ،قاهرة كل روح شر وتعصب أعمى يفتك بنسيجنا الوطني الذي طالما ألفناه سويًا ،فلطالما تشاركنا الحياة سويًا رغم كل محاولات قوى الشر للعبث ببلادنا وتفكيك نسيجها وزرع الفتنة بداخلها.
فجاءت التعليقات تقول :” انتي بجد فرحتيني بالبوست وهونتي علينا بالكومنتات المبهجه دي ربنا يدوم جبر الخواطر والاحساس بين عبادة يارب” ، ” شكرا جدا علي ذوقكم بجد ناس محترمة وجدعة، اللهم آجرنا من حر الدنيا ومن نار جهنم يا رب العالمين، بس الحمد لله الواحد واخد علي الصيام ربنا يعين الناس اللي بتشتغل في عز الشمس يارب ويكرمهم يا رب” وفي تعليقات اخرى : “أنا فرحت جدا بالبوست وكم الكومنتات اللي تفرح ربنا يهون علي الجميع 😍😘” ، ” يعلم ربنا من غير طلب طول النهار اقول الله بكون في عونهم ويقويهم 💛💛”، ” لأ تصوموا معانا الدعاء مش كفاية يا اخوانا 😂” ، ” احلى بوست شوفته في حياتي مصر ❤️❤️❤️” ، “يارب أعط للهواء مزاجا حسنا و اديهم القدرة انهم يتحملوا الجو الصعب ده” ، “كل الكنايس النهارده وقبل كده كمان بترفع صلاه من اجل اخواتنا عشان يستحملوا الصيام ف الحر ♥️” ، “ربنا يخليكو لينا يارب ونفضل اخوات العمر كله ان شاء الله” ، “ربنا يرزقك سعادة على قدر ما أسعدتينا بمنشور ياجميلة القلب” ، “عن كمية المحبه الموجودة في البوست دا
حاجه تفرح والله💕💕💕” ،”أهل الكتاب وجمالهم ♥️♥️”.