بعد أن تغزل نشطاء موقع التواصل الاجتماعي “تويتر” في الرجل المصري، خلال الأسبوع الماضي، قرروا تدشين هاشتاج لإعطاء المرأة المصرية حقها، والدفاع عنها لما، وإبراز معالم جمالها، فيما اتخذها البعض فرصة لشكوى والسخرية منها أيضًا.
قال محمد، أحد نشطاء تويتر: “الست المصرية، مش نكدية خالص، مش زنانة خالص، مش ندابة خالص، مش عجبها حاجة خالص، الست المصرية دي أعظم عظمات الستات”.
أما أبو سلمى فأيز قال ما يميزها، :”مش كلام وخلاص ولو على الجمال ماقولكش، وحلاوة روحهم وإن مافيش حد هيستحمل زيها أو أدها فده لوحده يخليها أجمل بنات العالم كلها مش العرب بس”.
وفخرت دعاء بمصريتها، قائلة: “من لم يتزوج مصرية ليس محصن الشافعي، وفي مقولة أخرى لم يذق طعم النساء”.
وردت هبة على من يسخرون من المراة المصرية: “هي فعلا أجمل نساء العرب بس حضرتك بدل ما تتريق عليها أديها فرصه تهتم بنفسها شويه بدل ما هي كل همها أكلك و بيتك وولادك وطلباتك و في الآخر مش عجباك و ونكدية”.
وأكدت آمال على جمال المرأة المصرية الروحي: “وحتى لو ماكنتش أجمل من حيث الشكل فهي أجمل نساء الأرض في قوة التحمل، مفيش في قوة وجدعنة الست المصرية”.
ومزحت روما، راقية النساء المصريات من بقية العرب: “من عين اللبنانيات من عين المغربيات من عين الخليجيات ومن عين كل اللي شافنا ولا صلاش على النبي”.
وطالبت رانيا من المتزوجين البعد عن الهاشتاج :”الجماعة اللي متجوزين ستات نكدية يبعدوا عن الهاش ميشوهوش صورتنا”.
وأكدت أميمة على جمال المراة المصرية البارز في قوة تحملها: “علشان قلبهم أبيض، ومش بتوع مصالحهم زي كتير من ستات العرب أجمل نساء لأنهم بيقفوا وراء أزوجهم في الشدة مش زي كتير من نساء العرب اللي مش بيستحملوا أزوجهم انتي أجدع وأحسن وأطيب وأطهر ستات العرب يا مصرية طبعا أجمل نساء العالم مش بس نساء العرب”.
وهذا ما وثقه بتغريدته تيخا: “بأمانة هي كجمال خارجي ممكن يكون فيه أجمل منها، بس جمال داخلي اللي هي روحها، صعب تلاقي جمال روح زي روح الست المصرية”.
وقام شريف بالرد على الرجال الذين يوجهون انتقادات للمرأة المصرية: “تتجوزك وتستحمل عقدك النفسية وكلاكيعك الفطرية، وبصتك لكل واحدة شوية، وتاخدك طفل تأكله وتشربه وتنضفه وتنسي نفسك وتعايرها أنها تخنت ونكدية وتستحملك بردو عشان ماتخربش بيتك وكتير تشتغل وتصرف عليك، طبعا هي الأجمل والأرجل كمان”.