خلال قداس عيد الميلاد بالكاتدرائية الجديدة بالعاصمة الإدارية الجديدة وجه السيسي التهنئة بعيد الميلاد وبافتتاح الكاتدرائية التي هي رسالة سلام لكل العالم.
كما هنأ السيسي قداسة البابا والأقباط بمناسبة عيد الميلاد المجيد وافتتاح كاتدرائية ميلاد المسيح بالعاصمة الإدارية الجديدة، جاء خلال الزيارة التي قام بها سيادته للكاتدرائية الجديدة مساء اليوم.
وقال الرئيس: اسمحولي إني اقولكم وأقول لقداسة البابا ولكل الأشقاء والأهل كل عام وأنتم بخير،
وأضاف: وكمان مهم قوي إني أهنئكم على الافتتاح الجزئي للكاتدرائية هذا الافتتاح رسالة كبيرة قوي…رسالة من مصر مش بس للمصريين لكن للعالم كله رسالة سلام ورسالة محبة قائلاً: احنا بفضل الله سبحانه وتعالى بنقدم نموذج للمحبة والسلام بيننا وبين بعض …هتخرج المحبة وهيخرج السلام من مصر وهيعم العالم كله. وأكد: يمكن وسط الأحداث دى تقولوا معقول هيبقى كده ؟!
وأكمل : عمر الشر وعمر الخراب وعمر التدمير وعمر القتل يقدر أبدًا يهزم الخير والبناء والمحبة والسلام لا يمكن .. يمكن تقولوا إزاي ده هيحصل ؟ لكن هيحصل، وبقول للناس كلها يا ترى الفرحة دي اللى احنا شايفينها تساوى كام؟! تساوى ايه ؟!
واحنا مش شايفين الخير ده
اللى انتوا شايفينه ده بفضل ربنا سبحانه وتعالى.
ونبه: خذوا بالكوا احنا واحد ومحدش أبدًا هيقدر يقسمنا ..
دى برضو رساله ثانية فى زحمة الألم ده ..وأنا مكنتش عاوز أتكلم فى اي آلام لأن الألم بيؤذينا كلنا .
انا مش عاوز اطول علشان تبدأوا صلواتكم.
يارب يقدرنا إننا ندخل الفرحة على كل الناس ..أنا أشكركم على حفاوة الاستقبال ..تحيا مصر بالمصريين ..محدش أبدًا هيقدر على مصر وأوعوا تنسوا اللى عاوز يؤذينا يفرق بيننا ويخلينا نأكل بعضنا البعض.
وختم: كل سنة وأنتم طيبين وعام سعيد عليكم وعلينا وعلى الدنيا كلها ..
كل سنه وأنت طيب يا قداسة البابا.. كل سنه وأنتم طيبين.