تعلقت عيون المصريين في الامس بمباراة الزمالك وصن داونز وانتظر الجميع النتيجة , حتي جائت بخسارة فريق الزمالك بتسجيل ثلاثة اهداف في مرماهم مقابل ولاهدف في مرمي فريق وصن داونز , وأشعلت هذه النتيجة الفيس بوك حيث أنقسم النشطاء فيما بينهم .
سخر مجموعة من المحبين للكرة المصرية من هذه الننيجة
فقال أحمد حسن : يا فرحة ماتمت اخدها الزمالك وطار.
علق سامي : حال الزملكاوية..انا مش حصالة مجموعة..انا حصالة القارة كلها .
كتب احمد ربيع محمد : يوم يسجل في التاريخ الريال كسب 5 ورما كسب وصلاح سجل وصنع وترزجيه جاب جون علي طريقه مردونا والاهلي كسب ومؤمن يسجل وانطوي بعد غياب واكرامي يتالق والزمالك اتغلب 3 انه يوم السبت 15 اكتوبر 2016 .
شارك سمير معلقا : صن داونز على بعد خطوة من معادلة رقم الاهلى وهو الفوز على الزمالك 4 مرات فى موسم واحد
كتب سيد عيد :
زي النهاردة من ٣ سنين زملكاوية كتير أتهموا شريف أكرامي انه هرب في ماتش غانا رغم انه أتصاب بجد .!!! ربنا ردها النهاردة والشناوي عمل نفس العملة وياريت يكون مُصاب بجد.
زي النهاردة من ٣ سنين زملكاوية كتير أتهموا شريف أكرامي انه هرب في ماتش غانا رغم انه أتصاب بجد .!!! ربنا ردها النهاردة والشناوي عمل نفس العملة وياريت يكون مُصاب بجد.
علق جاك أدم : هل تعلم ان الزمالك حقق رقم قياسي بالخسارة 3 مباريات من نفس الفريق في نفس النسخه من البطوله،كما انه متوقع ان يضرب رقمه القياسي بالخسارة للمرة الرابعه في مباراة الاياب
هناك فريق اخر لم يشجع الزمالك ولكن جائت تعليقاته علي النحو التالي :
علق محمود : يا جماعه عيب مش كده دي ناس مجتهده …ﻻزم كمصريين ندعمهم ونوقف وراهم .
وكتب مينا: اللهم لا شماته الزمالك شال تلاته
شاركت هيام : يـاجماعة يالي بتتريقوا علي الزمالك .. عيب كده !! طب أنا عندي ثقة بقي .. أن الزمالك هيعوض في العودة.
كتب أحمد رزق :
انا اهلاوي وحزين جدا على الزمالك .
يا جماعه عيب كدا كفايه تفرقه دول بيمثلوا بلادنا .احنا احسن ناس نعاير بعض انا بصراحه مش عارف الشعب
فين الوطنيه فين الانتماء
جاء حال الزملكاوية علي احدي صفحات مشجعي نادي الزمالك لتضم هذه التعليقات :
سعد حسن : مصطفي فتحى لازم يشارك بدرى شويه .. وشيكابالا لازم يركز اكتر .. انا مش فاهم اللعيبه النهارده تحس انهم مربوطين في الارض حاجه تفقع بجد .. بس واثقين فيكم لاخر نفس شدوا حيلكم وربنا معاكم يا ابطال ميت عقبه.
كتبت سارة علي : فعلا انا مش عارفه بيزيطوا ليه احنا الحمد لله وصلنا للدور النهائي ولسه ماتش العوده خير ان شاء الله ونكسب الدور والباقي علي حصاله افريقيا اللي اتكلموا دلوقتي.
حلل عادل حلمي نتيجة المبارة معلقا :
هذا ما حذرنا منه منذ فتره طويلة .. حين اكدنا علي خطورةالاحتفالات التى رعاها المستشار مرتضى منصور رئيس النادى بالحديث عن المباراة النهائية والتحرك يمينا ويسارا لارسال الدعوات سواء لرئاسة الجمهورية او الاندية المنافسة وغيره وغيره ,وهو ما اعطى الانطباع وكان المباراة ستكون احتفالية
الان .. هل ستلبى تلك الدعوات بعد هذه النتيجه!!؟؟ للاسف الشديد .. تصدير حالة الثقه المبالغ فيها للفريق هى احد أهم اسباب نتيجة مباراة اليوم.
شارك هاني أميل : تفائلوا وان شاء الله سنملاْ ملعب المباراة فى العودة ,وسنصدر الرعب للفريق المنافس, وسندعم لاعبينا حتى الثانيه الاخيره, ولن نسمح بخروج الكأس من مصر, وكلنا ثقه ان نكرر ما حدث بمباراة النجم الساحلى ونحرز الكأس, قولوا يارب