-حضن ربنا مفتوح ..واقف يقرع…مافيش إجبار لأحد
قى إجابته على أسئلة الشعب باجتماعه الأسبوعى بكلوت بك قال القمص مكارى يونان راعى الكنيسة المرقسية: “ربنا مش بيصعب الطريق قدام الإنسان الخلاص سهل جدا” وذلك في اجابته على سؤال حول الاعتراف بالتليفون..قائلا ربنا مايصدق يلاقى الخروف الضال يقبل توبته واعترافه بأى طريقة..مش عايزين نسيب الشيطان يخوفنا من المسيح . فيه فرق بين الدموع في الكورة البعيدة وبين الدموع جوه بيت ابوك.. الدخول لحضن ربنا سهل قبوله الخاطى التايب سهل جدا ولكن الجهاد والتعب يكون جوا بيته”بضيقات كثيرة ينبغي أن ندخل ملكوت السماوات
. المسيح حنين جدا مهما كانت خطاياك مادامت جيت له يقبلك ويفتح لك حضنه.
وفى توضيح لما قاله قبلا عن الايمان والأعمال قال : ماحدش قال إننا مش في حاجة للأعمال..ايمان بدون أعمال ميت كما قال الكتاب ما عرافش ازاى يفهم انى قلت مش مهم الأعمال..والا فما افعله الأن في الخدمة مالزومه ؟ كل الحكاية انى عايز اكرم حبيبي واشهد له لحد ما اروح له هل للإنسان المسيحى متروك له الحرية في الصوم او لا من غير عوائق.
وفى اجابته عى سؤال : هل الصوم اجباري؟ قال : مفيش حاجة في مسيحتنا اجبارية المسيح ممكن يقعد طول العمر يخبط يقولك افتح لىولو مافتحتش بإرادتك مايدخلش،
كل مايقدم لك من الكنيسة هو بارشاد الروح القدس ..انت حر تقبل أو لا تقبل
الكنيسة رتبت بالروح القدس الأصوام ونحن نخضع لترتيب الكنيسة.
وفى اول مجمع للكنيسة سنه 50 قال الرسل :”رأى الروح القدس ونحن “..لما بنصوم بنخضع لترتيب الكنيسة بالروح القدس.
وأرسل احد الحضور سؤالا يلح فيه : فسر لى اشعياء 19
فرد ابونا قائلا :ماعرفش ليه قريته يوم 14 يناير 2011( قبل ثورة يناير بأيام) وقرأته فقط دون تفسير ..الروح القدس قادنى لقراءته
واستطرد قائلا : طبعا هذه كانت نبوات من اشعياء في العهد القديم قبل تجسد السيد المسيح ،”يكون للرب مذبح في وسط ارض مصر” يقال إنه المذبح الذى في دير المحرق
“عامود عند تخمها “..كرسي الاسكندريه المرقسي
“يصرخون الي الرب بسبب المضايقين فيرسل لهم مخلصا “.. أقول ماقلته بعد 30 يونيو 2013 أن الرب أرسل الرئيس السيس مرسلا من السما ليخلصنا من المضايقين لوكان الإخوان بيحمكوا لحد دلوقتى كان هايحصل ايه؟!..احنا مش احسن من سوريا ولا ليبيا ولا العراق لكن الرب أراد أن يخلص المصريين منهم.. الرب بسبب صلوات الكنيسة ..خلصهم من الضيقة..(وساد الكنيسة تصفيق حاد)