على الرغم من اختلاف الاراء بين مؤيد ومعارض وعلى الرغم من غضب معظم فئات الشعب على ازدياد أسعار السجائر ، إلا أن نشطاء التواصل الاجتماعى على الفيس بوك لم ينسوا أبدا هذا القرار ولم يخلو ارتفاع اسعار السجائر من السخرية ، فدشنوا هاشتاج بعنوان #ضد غلاء السجائر ،وذلك للتعبير عن غضبهم ضد هذا القرار الجمهورى .
أما اراء الشارع فهى أختلفت ما بين مؤيد ومعارض ونعرض فى هذا التقرير أهم الاراء وهى :
يرى محمود رزق بائع : ان السجائر من الأفضل ان تعود بنفس السعر القديم فغلاء اسعار السجائر نكبة على جميع الناس ، أنت مستفيد ايه لما تغلى تمن العلبة 50%الناس هتشتغل وتتعب وتجيب فلوس عشان تأكل وتصرف على بيتها وولادها ولا عشان تجيب حق علبة السجاير .
ترى سناء يوسف ربة منزل : التدخين مضر جدا بالصحة يمكن غلاء اسعار التى تم اصدار قرار رئاسى بها يأتى فى صالح المواطن للحفاظ على صحته ن ياريت كل الناس اللى بتدخن تحاول خلال مرحلة الزيادة فى الاسعار ان تقلع عن التدخين اضافة الى زيادة اسعارالسجائر دى كارثة اقتصادية داخل كل منزل يوجد به مدخن لان هيكون تابع له زيادة فى المصروف السجائر كل كم يوم .
يقول صابر عبد الرحيم : ماعلاقة السجائر بكل ما يحدث فى البلاد ليه تزود سعرها دى المنفس الوحيد لكثير من الشعب اللى بينزل من الصبح يشتغل ويشقى وبعدها يذهب لعمل اخر بعد الضهر اضافى عشان يزود دخله ن دلوقتى السجائر سعرها زاد يعنى فى حاجات هتيجى على حساب حاجات كان من الأفضل انك تقلل سعر اللحمة عشان كل الناس تعرف تاكل لحمة وتكون رخيصة والكل يشتريها .
تقول رنا ابراهيم : انا مدخنة وبشرب فى اليوم علبتين ولما يكون سعر العلبة بالثمن القديم 20 جنيه هتكون بالتسعيرة الجديدة 30 جنيه يعنى اجيب علبتين ب60 جنيه ليه ما هم ممكن كل الناس اللى بتدخن تعمل ثورة وتتفق مع بعض يوم واحد يعدى عليهم من غير ما يشتروا اى علب سجائر يعنى كده البياع هيخسر والشركة كمان وده ممكن يكون فى كل محافظات مصر على مستوى الجمهورية مش محافظة ولا اتنين .
تقول الهام محمد ربة منزل: حالة من الغضب سيطرت على كثير من الشباب والرجال المدخن عقب سماع القرار الرئاسى بازدياد سعرها ، فزوجى مدخن بكثرة وخلال فترة تواجده بالبيت سيجارة ورا سيجارة وبعد غلو سعرها هل هيفضل يدخن بالشكل الفظيع ده يبقا مش هنلاحق على سعرها او مافيش طلبات للبيت ونوفره السجائر .
تقول زينب على ربة منزل : هذا احسن قرار اخذه الرئيس عبد الفتاح السيسى حتى الأن لان السجائر ليس لها اى فائدة ومضرة للصحة وبالتالى زيادة اسعارها عادت بالسلب على فئة المدخنين فقط لا غير ولم يتأثر بها باقى الشعب المصرى الغير مدخن .
تقول ميرفت اسماعيل ربة منزل : بدلا من ان يشترى الرجل اى رب المنزل علبة سجائر فمن الافضل الان بعد غلاء الاسعار ان يذهب للسوق ويشرى فرخة لاسرته لان سعر علبة السجائر أصبح بثمن كيلو فراخ .يقول أحمد زكريا بائع فى سوبر ماركت : بعد ازدياد سعر السجائر بنسبة 50% ونظرا لاضراب معظم الناس وعزوفهم عن شرائها قامت معظم اكشاك وبتارين السجائر الموجودة على الارصفة بالشوارع للاغلاق والاضراب عن العمل عقب هذا القرار لانه يدرك انه لن يكسب كما كان سابقا .