قبل لحظات من الصمت الرئاسى الأنتخابى يطيب لنا فى هذه الذكرى العاطره ان نقول لحضراتكم رغم كل شىء نجحت خارطة الطريق فى الوصول الى بر الامان وهذا هو جوهر الموضوع والباقى تفاصيل صحيح ان المسافه بين مرشحى خارطة الطريق كبيره جدا وهذا ماتبدى فى نتائج تصويت المصريين بالخارج لكن فلنكن واقعيين السيسى هو البطل الرئيسى لثورة 30 يونيو ..
السيسى هو عبد الحليم حافظ فى فيلم 30 يونيو وعلى افضل الاحوال حمدين كان عبد السلام النابلسى فيها يعنى لامؤاخذه ياجماعه مش ممكن ابدا ولامتصور ابدا ان النابلسى يبوس البطله فى نهاية الفيلم ويعيشوا فى تبات ونبات ويخلفوا وزرا ومليونيرات ده خارج نطاق العقل والتقدير السليم لكن ممكن برضو حمدين اللى بيضحك عشان الصوره تطلع حلوه واشياء اخرى بالطبع يتجوز الست زينات صدقى وربنا يكرمه وليس ذلك على الله بعزيز سيبك انت من الكلام الكبير والبرامج التقيله الواقع له فروضه المستحقه فعلا وماكانش حد غلب ده برنامج المأسوف على شبابه مورسى بتاع المءخره اللى كلها ريش فى ريش راح على مافيش والسيسى برضو براجماتى عنتيل وابن بلد وفاهم وحويط يعنى البيعه مش طالعه على الشعب المصرى بخساره ابدا السيسى مدرك والشعب اللى بيحتفل به النهارده مدرك ايضا انها الفرصه الوحيده للسيسى هى النجاح ولاشىء غير النجاح ولابد ان تدرك الطبقه الحاكمه اياً ماكانت انها تراهن الان على حياتها شخصيا وحياة رؤوس اموالها امام شعب اغلبه جائع وعارى وحافى وماوراهوش حاجه يخاف عليها الا الامل الان فى وجه الله الكريم ووجه السيسى السمح يعنى لابد ينجز والا الدنيا حتختلف واللى بيهتف لك الان هو اللى حيسبك غدا هى دى اللحظه الفارقه التى لم يدركها ابو اسماعيل ولا جماعته ..لحظة الانجاز والتنميه واعادة توزيع ثمار التنميه على جموع الشعب العاطل ..نظرية اخطف واجرى انتهت الى كارثه لامجال لتكرارها والا سيجتاح الطوفان الجميع الدوله واخوانها وانا وانت ياسيسى فاهم قبل ما أعطيك صوتى ربنا يعينك ياريس !!