بابا “وحيد القرن” الأول
بعد رحيل الأسد الظالم ..
حكم الغابة إكمنه تخين !
بابا يبدو إنه ” رزين ”
بابا “وحيد القرن” الأول
بعد رحيل الأسد الظالم ..
حكم الغابة إكمنه تخين !
بابا يبدو إنه ” رزين “
بابا الطيبـه ماليه عينيه ..
و”المسكـَنه” مش راضيه تسيبه
بابا حبيبه.. كل وديع بينفذ أمره
ولهذا السبب المُتسامي ..
الخرفان فى الغابة حبايبه
بس يادوبك..
يملوا يادوبك كام فدان
إنما بابا عينيه مبروكه ..
شايفه الغابة كلها خرفان
بابا متغطي ب “عريان “
كام برنامج تليفزيونى ..
عملوا ف بيته كام قلبان ؟
بابا شقيان يشحت لينا..
بابا بيسلّم اراضينا..
وعرقنا لجيران حوالينا
بابا يطُل الطلة علينا ..
نصبح كلنا بالطراطير
هييييييييييه..
والله وطلعلنا طرطور
والحيوان أنواع أنواع ..
فيه اللى يزيح الطرطور
أباً عن جداً حيـوان ..
و اللى يثور ومعاه شجعان
واللى بيحلم للحيوان
وإللى يلم الدور ويخور..
مش قادر، معذور وجعان
فيه.. الغلبان المسكين
شايف إنه رئيسه أمان
وإللى اتربى إن الحاكم
هو كبيرنا مهما إن كان !
إنما ألعن نوع فى الغابة..
كل فصايل ” الفئران”..
اللى يطبل واللى يسبّل
واللى بيقلب ع الوشين
واللى بيقبض واللى جبان
لكن أرض الغابة يا بابا.. بتولد
ولدت ألف من الشجعان ..
طين الغابة يا بابا.. فيه الروح
مهما تروح الصرخة هتولد..
صرخة جديدة مش بتروح
وإللى مابينا ريحته تفوح..
حتماً يرحل ليله يروح
مهما النوح اتمسك بينا..
مهما ماضينا طل علينا..
بُـكره هتبقى الغابة كيان..
لَـجل النصر مايبقى عظيم
هنصادر بيع البرسيم ..
ونبطّـل نولد خرفان..
ADVERTISEMENT
