مالك يا أستاذ هَـــــم
لابس عبايــة الغـــــم
فى الحزن وقولنا ماشـى
لكن فى الفرْح ســــــــــم
مالك يا أستاذ هَـــــم
لابس عبايــة الغـــــم
فى الحزن وقولنا ماشـى
لكن فى الفرْح ســــــــــم
ياللي سارح لاجل لقمة عيش حلال
ياللـي أكلك ويا نومتك والعيـــــــال
هما همـك وسـط تـل من الأمـــال
مين يطالبك بالسياســـة ..
وانت فوق كتفك جبـال !
فـجر الضمير بيشق ليل الألـم
مهما الآلآم زادت في ايدي قلم
البيه يقول عذبوه وراح يسكـت
قلمي يقول أحسن تموت محترم
صوتك فى وسط العتمة فاتح بيبان
صوتك أمل صوتك وجود و كيــان
وساعات كلامك يبقى منتهى العبث
لمّـا فى صمتك الحقيقــة تِبـان
ألم الزمان جوا الزمان ساكن
ليه تختارالسواد أو أي لون داكن
أوعاك تقول لكن وأنت بتستدعيه
اللي يريد الفرح معندهوش لكـن
كل الكلام اللي وداني بتسمعه
أنا حافظُه صَم ومستعـد أسمّعه
لكن عقـولنـا فــ ألسنتنـا بتدفـن
مبقاش حيلتنا غير الكلام بنطلّعه!
قالّـك فـُلان قد روى
حكايات عجب فى الهوا
وأعجب ماشفت اتفــاق
الشئ وضده ســـــــوا !!