هل تغيرت مصر كثيرا ؟ لا اقصد بعد ثورة 25 يناير بل منذ ثورة 19 .الاجابة على هذا السوال ليست سهلة .وكنى اتركها لكم .بعد ان اشرككم معى فى الاستمتاع ببعض اشعار وازجال المبدع العبقرى بديع خيرى
هل تغيرت مصر كثيرا ؟ لا اقصد بعد ثورة 25 يناير بل منذ ثورة 19 .الاجابة على هذا السوال ليست سهلة .وكنى اتركها لكم .بعد ان اشرككم معى فى الاستمتاع ببعض اشعار وازجال المبدع العبقرى بديع خيرى .والتى اصدرتها سلسلة الادب بمكتبة الاسرة تحت عنوان ( بديع خيرى الاعمال الشعرية الكاملة ) جمع وتحقيق ودراسة الدكتور نبيل بهجت .والتى تشغل 896 صفحة من الحجم الكبير .وقد ولد بديع خيرى فى القاهرة عام 1893 وتوفى عام 1966 وهو مبدع كبير كتب لسيد درويش والريحانى والكسار .وتعددت مجالات شعره بين السياسى والعاطفى والدعائى والمسرحى .ولان صدق الادب وقوته يجعله يعيش .يمكننا ان نجد من بين اشعاره .راس واقعنا المعاش اليوم .هكذا بلا اسقاط ولا فك رموز
فى مجلة الكشكول عام 1923نشر خيرى زجل بعنوان (ناس فى البلد خربوا البلد ) ومن ابياتها
اه يانا وايش للبهايم عندنا …. ازاى يخشوا البرلمان على حسنا
طب هما عيانين بالحصانة…. واحنا الغلابة الكفرانين ايه ذنبنا
هو انتخاب ولا الغرض تلقيح جتت ..يا خوانا فين هى الحكومة اللى هنا
وصوها تاخد بالها والا فى عرضها ان ماخدتشى بالها تاخد عمرنا
ودون ان يكون معنا هذا الاسبوع نشر الشاعر الرائع فى مجلة الكشكول عام 1923 زجل بعنوان ( ابطال صحيح فى النطوعية ) وجاء فيه
خنازير والعن من خنازير ..يادم يلهف حضرتهم
امتى الكلابشات والجنازير .. تاخد راقات من جتتهم
دول قتالين قتلا اندال
يا هل ترى مسلطهم مين غلب ده الى مضحضحنا
ضرب الرصاص فى المظلومين يقلب بغم علينا احنا
يتقال على السفلة ابطال
ليه يعنى ماتكونشى مكيده …ومدبرة ضد وطنا
لوكانت العاقبة مفيده كان غيرنا اشطر يا خونا
صعبان على الاستقلال
وفى عام 1926 ينشر (اتاريه سير بولاقى ) ومن ابياتها الصالحة للنميمة الان
حمار له مخالى يرقص لم يبالى
عالركاب يعفر احيه جات ده نيله
البت القبيحة جلابة الفضيحة
تقتل عينى عينك وتقول لك قتيله
لا فى الكدب فايده ولا فى الصدق حيله
يعمل ايه جنابه مالقاش فى جرابه
غير انه يشلق والمقصود وسيله
وقبل ان يتم لصق تهمة الفلوليه لبديع خيرى .ويظنه البعض احد مذيعى الاعلام الهدام اسمعوا له يقول ( اهو اللى كان مخفى بان )
قلنا كده من زمان …قالوا اطلعوا من البلد
واهو اللى كان مخفى بان والنحس يومه اتولد
بكره نقف ع البيبان ..ونشوف غاريمنا انطرد
ويقول البديع لمن يسمع نصيحه لوجه الله
دى نصيحه منى لوجه الله تقبلها وللاتهملها
العنف ده والعند اياه لايسوس امور ولا يعدلها
والمصرى ياما غلبت وياه قبلك دواهى وكعبلها
والغلب مش ممكن يرضاه والخيبه لم يستحملها
وعن الغلاء يقول
الازمة خلت حالنا فاشوش ..والدنيا من الغلا راح تولع
وابن البلد على خمسه قروش ينهد لما عينيه تطلع
وهذا الدعاء يصلح ان يكون حال لسان كل المصريين الان
يارب ساعة اجابة ترحمنا من دى الكابوس
وتزيح قوام السحابه وتفك كرب النفوس
يكفانا ازمه وهبابه وعذاب وقلة فلوس
حال المصاروه الغلابه يصعب ياناس ع المجوس
وما اجمل ان نختم جولتنا فى الاشعار الجميله لبديع خيرى بهذا الحلم
انا فى المنام تحت لحافى حلمت لى حلم يؤثر
قال ايه صاحبنا المتعافى راكب فى مركب متكسر
بلبوص كدا وواقف حافى شايل عزاله ومتحسر
بيقول ماخاب حد خلافى وضرورى حلمى حايتفسر
حقا الادب الصادق لايموت