كاميليا
كل الحكاية
كاميليا وعيون كاميليا
أحرق مصر
فى صول وإمبابة
بحجة إسلام بنت شحاتة
وأطلع مظاهرة
تحت الأرض
وفوق الشجرة
أندر إنك تدبح بقرة
وتوزع دنانير على الفقراء
لو لقيت الست القمرة
اللى عشانها تحرق مصر
فى صول وإمبابة
وتقول معايا ألف دليل على إسلام بنت شحاتة
ونقعد مع قارئة الفنجان
وتفتش عنها فى كل مكان
مرة تتهم كنائس
ومرة تهين رهبان
وتسأل عنها شط البحر وتساءل فيروز الشيطان
وتسأل عنها كل شيطان
أمال مش هى دى كل المستقبل
وهى اللى هترفع راية الإيمان
وتحل مشكلة الشرق الأوسط
وقضية الاستيطان
وتصبح حكاية كل إنسان
كل فاضى
وكل مليان
كل صاحى
وكل نعسان
يصرخ بصوت كالبركان
عايز أختى اللى عشانها
أحرق مصر فى صول وإمبابة
وأكدب وأقول أسلمت بنت شحاتة
وفى عشية
قالت أنا مسيحية
لكن إزاى
تبقى دى دوبليرة ومش حقيقة
أحرق ياواد
أحرق يا واد
أقتل وأنهب ودمر
وخلى الدم للركب
فى صول وإمبابة
طلعت مسيحية بنت شحاتة
ولا يهمك
الأجندة الحمراء مليانة
فيها عبير وسوسو ونادية وغادة
وكمان فيها
طفلة لسة بتحبى تاتاتاتا
أسلمت يوم سبوعها وخطفوها الديانة
ولازم هنجبها مادام راحت بنت شحاتة
فيه ألف بنت عند عم شحاتة