في‏ ‏ذكري‏ ‏الأربعين‏ ‏لشهداء‏ ‏ليلة‏ ‏عيد‏ ‏الميلاد

عدة‏ ‏تساؤلات‏ ‏تملكتني‏, ‏فيما‏ ‏بعد‏ ‏الطوفان‏ ‏الإعلامي‏, ‏عقب‏ ‏مذبحة‏ ‏عيد‏ ‏الميلاد‏ ‏بنجع‏ ‏حمادي‏, ‏وذلك‏ ‏أثناء‏ ‏توجهي‏ ‏لقري‏ ‏بهجورة‏ ‏ودشلوط‏, ‏والتي‏ ‏تعد‏ ‏أبرز‏ ‏القري‏ ‏المضارة‏ ‏في‏ ‏الأحداث‏, ‏علي‏ ‏أمل‏ ‏أن‏ ‏أرصد‏ ‏أية‏ ‏نتائج‏ ‏إيجابية‏ ‏وملموسة‏ ‏وحصاد‏ ‏ما‏ ‏تم‏ ‏بذره‏ ‏طوال‏ ‏أربعين‏ ‏يوما‏ ‏مضت‏.. ‏وكانت‏ ‏أهم‏ ‏التساؤلات‏ ‏التي‏ ‏شغلتني‏:‏
هل‏ ‏هناك‏ ‏بوادر‏ ‏انفراجة‏ ‏قريبة‏ ‏يتطارحها‏ ‏المجتمع‏ ‏النجعاوي‏ ‏لمنع‏ ‏تكرار‏ ‏مثل‏ ‏هذه‏ ‏الوقائع‏.. ‏وهل‏ ‏تلوح‏ ‏في‏ ‏الأفق‏ ‏نماذج‏ ‏غير‏ ‏نمطية‏ ‏لعلاج‏ ‏القضايا‏ ‏المرتبطة‏ ‏بالطائفية‏ ‏تعلي‏ ‏من‏ ‏جديد‏ ‏هيبة‏ ‏الدولة‏ ‏وتبسط‏ ‏أحكام‏ ‏القانون‏ ‏وأدواته‏ ‏وخصوصية‏ ‏مواده‏ ‏في‏ ‏مثل‏ ‏هذه‏ ‏الجرائم‏ ‏المجتمعية‏. ‏رغبنا‏ ‏في‏ ‏استكشاف‏ ‏ماذا‏ ‏بعد؟‏.‏
‏* ‏عندما‏ ‏لمحت‏ ‏القلل‏ ‏القناوي‏ ‏المتزاحمة‏ ‏وأعواد‏ ‏القصب‏ ‏علي‏ ‏جانبي‏ ‏الطريق‏ ‏أدركت‏ ‏أننا‏ ‏علي‏ ‏مقربة‏ ‏من‏ ‏مدينة‏ ‏نجع‏ ‏حمادي‏ / ‏قنا‏ ‏واستبشرت‏ ‏خيرا‏ ‏عندما‏ ‏شاهدت‏ ‏قوات‏ ‏الأمن‏ ‏بأقل‏ ‏كثافة‏ ‏عند‏ ‏مداخل‏ ‏القري‏ ‏يتفرسون‏ ‏في‏ ‏وجوه‏ ‏القادمين‏.. ‏وأكثر‏ ‏كثافة‏ ‏بشارع‏ ‏المحطة‏ ‏بجوار‏ ‏كنيسة‏ ‏العذراء‏, ‏وأيضا‏ ‏بالقرب‏ ‏من‏ ‏مبني‏ ‏المطرانية‏.‏
‏* ‏جذبتني‏ ‏كلمات‏ ‏الحاج‏ ‏بركات‏ ‏قناوي‏ ‏سائق‏ ‏الأجرة‏ ‏الذي‏ ‏رافقني‏ ‏بسيارته‏ ‏أسيوط‏ / ‏قنا‏ ‏في‏ ‏معرض‏ ‏تعليقه‏ ‏التلقائي‏ ‏علي‏ ‏أحداث‏ ‏نجع‏ ‏حمادي‏ ‏بالقول‏: ‏شوفي‏ ‏لا‏ ‏ده‏ ‏هايقدر‏ ‏يستغني‏ ‏عن‏ ‏ده‏, ‏ولا‏ ‏ده‏ ‏هايقدر‏ ‏يعيش‏ ‏من‏ ‏غير‏ ‏ده‏.. ‏لكن‏ ‏لما‏ ‏المخاخ‏ ‏تتسمكر‏ ‏ياللا‏ ‏السلامة‏. ‏وأشار‏ ‏بالقول‏: ‏تمشي‏ ‏من‏ ‏هنا‏ ‏تلاقي‏ ‏قرية‏ ‏أبو‏ ‏شوشة‏ ‏وتمشي‏ ‏شرق‏ ‏تلاقي‏ ‏بهجورة‏ ‏علي‏ ‏بعد‏ 3 ‏كم‏ ‏امتداد‏ ‏طريق‏ ‏الأسفلت‏ ‏الزراعي‏ ‏ودول‏ ‏ضمن‏ 13 ‏قرية‏ ‏تابعة‏ ‏لنجع‏ ‏حمادي‏.. ‏والرحمانية‏ ‏ودول‏ ‏طلعوا‏ ‏وتصدوا‏ ‏للغوغاء‏.‏
حدث‏ ‏في‏ ‏بهجورة‏ ‏ليلة‏ ‏الجمعة‏ 8 ‏يناير
‏* ‏تمهلت‏ ‏سيرا‏ ‏مع‏ ‏مرافقي‏ ‏نحو‏ ‏شارع‏ ‏ترعة‏ ‏الوزيري‏ ‏أكبر‏ ‏شوارع‏ ‏قري‏ ‏بهجورة‏ ‏ومنه‏ ‏إلي‏ ‏مدخل‏ ‏شارع‏ ‏أبو‏ ‏عسل‏ (‏البوستة‏ ‏الجديدة‏) ‏فوجئت‏ ‏بثلاث‏ ‏عمارات‏ ‏وعدة‏ ‏محال‏ ‏تجارية‏ ‏متجاورة‏ ‏محترقة‏ ‏تماما‏.‏
‏.. ‏ألزمنا‏ ‏أحدهم‏ ‏والذي‏ ‏كان‏ ‏يجلس‏ ‏أرضا‏ ‏نادبا‏ ‏حظه‏ ‏العاثر‏ ‏بالصعود‏ ‏إلي‏ ‏البيت‏ ‏المجاور‏, ‏قال‏ ‏وهو‏ ‏يدمع‏: ‏أنا‏ ‏صبري‏ ‏بطرس‏.. ‏يوم‏ ‏الجمعة‏ ‏حوالي‏ ‏السابعة‏ ‏والنصف‏ ‏مساء‏ ‏كنت‏ ‏في‏ ‏الدكان‏ ‏أنا‏ ‏وعيالي‏ ‏قالوا‏ ‏ده‏ ‏فيه‏ ‏شغب‏ ‏في‏ ‏نجع‏ ‏حمادي‏ ‏رحت‏ ‏قفلت‏ ‏الدكان‏ ‏وجرينا‏ ‏علشان‏ ‏نوصل‏ ‏البيت‏.. ‏لقيت‏ ‏حوالي‏ 60 ‏نفرا‏ ‏هجموا‏ ‏علي‏ ‏الدكانة‏ ‏وكسروها‏ ‏ونهبوا‏ ‏البضاعة‏ ‏كلها‏ ‏وجابوا‏ ‏أنابيب‏ ‏المولوتوف‏ ‏وولعوا‏ ‏في‏ ‏الدكان‏.. ‏كل‏ ‏شهر‏ ‏بندفع‏ 500 ‏جنيه‏ ‏كهرباء‏ ‏وضرائب‏ ‏وتأمينات‏ ‏الواحد‏ ‏هايجيب‏ ‏منين؟‏. ‏ماعنديش‏ ‏شغلانة‏ ‏غيرها‏ ‏وأنا‏ ‏لي‏ 33 ‏سنة‏ ‏شغال‏ ‏في‏ ‏محل‏ ‏البقالة‏ ‏ده‏ ‏وعندي‏ ‏رخصة‏ ‏ماعملتش‏ ‏حاجة‏ ‏وحشة‏ ‏لحد‏.‏
‏.. ‏الانتقام‏ ‏ليه؟‏ ‏مش‏ ‏عارف‏.. ‏أنا‏ ‏هاخليكي‏ ‏تشوفي‏ ‏الدكان‏ ‏والبضاعة‏ ‏من‏ ‏شدة‏ ‏النار‏ ‏اتعلقت‏ ‏في‏ ‏السقف‏.‏
‏* ‏أوقفني‏ ‏باسيليوس‏ ‏لمعي‏ ‏بسطاروس‏ ‏قال‏: ‏إحنا‏ ‏موجودين‏ ‏في‏ ‏الواجب‏ ‏طوال‏ ‏يوم‏ ‏الخميس‏ ‏لأنني‏ ‏قريب‏ ‏للشهيد‏ ‏أيمن‏ ‏زكريا‏ ‏وبعد‏ ‏العزاء‏ ‏نزلنا‏ ‏يوم‏ ‏الجمعة‏ ‏لبهجورة‏ ‏أنا‏ ‏وولادي‏ ‏وكان‏ ‏معانا‏ ‏نسيبي‏. ‏أنا‏ ‏ساكن‏ ‏في‏ ‏شارع‏ ‏الدقاقوة‏ ‏وقالوا‏: ‏الشغب‏ ‏جايين‏.. ‏بصيت‏ ‏لقيتهم‏ ‏ولعوا‏ ‏في‏ ‏دكاني‏ ‏ومعاه‏ ‏خمسة‏ ‏دكاكين‏ ‏انتقلت‏ ‏إليهم‏ ‏النار‏ ‏بسرعة‏ ‏في‏ ‏شارع‏ ‏ترعة‏ ‏الوزيري‏.. ‏وأصبحوا‏ ‏علي‏ ‏الحيطان‏.. ‏وسيدنا‏ ‏الأنبا‏ ‏كيرلس‏ ‏أعطاني‏ 5000 ‏جنيه‏, ‏وجاءت‏ ‏النيابة‏ ‏وعاينت‏ ‏الدكان‏ ‏وقعدت‏ ‏النيران‏ ‏مدفونة‏ ‏جوة‏ ‏البضائع‏ ‏لمدة‏ ‏يومين‏ ‏كل‏ ‏ما‏ ‏نحاول‏ ‏نطفيها‏ ‏تشتعل‏ ‏من‏ ‏جديد‏ ‏بيقولوا‏ ‏إنه‏ ‏كان‏ ‏مضاف‏ ‏ليها‏ ‏مواد‏.. ‏وأنا‏ ‏عندي‏ ‏أربع‏ ‏عيال‏ ‏وزوجتي‏ ‏وأمي‏ ‏المشلولة‏ ‏وماعندناش‏ ‏مصدر‏ ‏دخل‏!.‏
حدث‏ ‏في‏ ‏فرشوط‏ ‏ليلة‏ 21 ‏نوفمبر
‏* ‏أخذنا‏ ‏طريقنا‏ ‏إلي‏ ‏قرية‏ ‏فرشوط‏ ‏والتي‏ ‏كانت‏ ‏مسرحا‏ ‏لبداية‏ ‏الأحداث‏.. ‏التقينا‏ ‏القس‏ ‏إليشع‏ ‏هلال‏ ‏سعيد‏ ‏كاهن‏ ‏كنيسة‏ ‏الملاك‏ ‏ميخائيل‏ ‏بصفته‏ ‏شاهد‏ ‏عيان‏ ‏علي‏ ‏الأحداث‏ ‏التي‏ ‏أشعلت‏ ‏نار‏ ‏الفتنة‏ ‏في‏ ‏نجع‏ ‏حمادي‏, ‏قال‏: ‏قبل‏ ‏أحداث‏ ‏فرشوط‏ ‏بثلاثة‏ ‏أيام‏ ‏سمعنا‏ ‏أن‏ ‏الولد‏ ‏جرجس‏ ‏بارومي‏ ‏مسكوه‏ ‏ولأن‏ ‏الولد‏ ‏تابع‏ ‏لقرية‏ ‏الدرب‏ ‏الأحمر‏ ‏التي‏ ‏أخدم‏ ‏بها‏ ‏رحت‏ ‏بالتبعية‏ ‏أشوف‏ ‏الحكاية؟‏, ‏ومعروف‏ ‏أن‏ ‏الولد‏ ‏ده‏ ‏أرزقي‏ ‏بيبيع‏ ‏البضاعة‏ ‏علي‏ ‏تريسكل‏.. ‏اتقابلت‏ ‏مع‏ ‏رئيس‏ ‏المباحث‏ ‏وبدأ‏ ‏الضابط‏ ‏من‏ ‏جانبه‏ ‏يؤكد‏ ‏أن‏ ‏الولد‏ ‏ضحك‏ ‏علي‏ ‏البنت‏ ‏والبنت‏ ‏لسة‏ ‏صغيرة‏ ‏وحاولنا‏ ‏نشوف‏ ‏الولد‏ ‏رفضوا‏ ‏وأسرته‏ ‏طفشت‏ ‏من‏ ‏البلد‏..‏
قال‏ ‏الضابط‏: ‏الولد‏ ‏ثابتة‏ ‏عليه‏ ‏الجريمة‏ ‏وده‏ ‏ولد‏ ‏تخين‏ ‏وطويل‏ ‏ولقينا‏ ‏الجاكيت‏ ‏بتاعه‏ ‏فيه‏ ‏آثار‏ ‏دماء‏ ‏واغتصب‏ ‏البنت‏ ‏ما‏ ‏بين‏ ‏قرية‏ ‏الشقيقة‏ ‏والكوم‏ ‏الأحمر‏ ‏الساعة‏ 11 ‏صباحا‏, ‏ولما‏ ‏البنت‏ ‏روحت‏ ‏وحكت‏ ‏الحكاية‏ ‏طلعت‏ ‏أسرتها‏ ‏بالعربية‏ ‏ولقيوا‏ ‏الواد‏ ‏فمسكوه‏ ‏وودوه‏ ‏البندر‏ ‏وبكده‏ ‏الجريمة‏ ‏ثابتة‏ ‏عليه‏.‏
‏* ‏أضاف‏ ‏القس‏ ‏إليشع‏: ‏لزمت‏ ‏الصمت‏ ‏لأن‏ ‏إحنا‏ ‏في‏ ‏الصعيد‏ ‏الشرف‏ ‏غالي‏ ‏هل‏ ‏هاينتظروا‏ ‏أهل‏ ‏البنت‏ ‏علشان‏ ‏يمسكوا‏ ‏الولد‏ ‏ويقدموه‏ ‏للبندر؟‏, ‏دا‏ ‏كان‏ ‏طخوه‏ ‏عيارين‏ ‏وخلاص‏.. ‏لكن‏ ‏لما‏ ‏يشاع‏ ‏مثل‏ ‏هذه‏ ‏القصص‏ ‏في‏ ‏الصعيد‏ ‏البلد‏ ‏هاتولع‏.. ‏فوجئنا‏ ‏في‏ ‏الخامسة‏ ‏فجر‏ 11/21 ‏وأنا‏ ‏بصلي‏ ‏القداس‏ ‏واحد‏ ‏جاني‏ ‏وقال‏ ‏لي‏ ‏الحقني‏ ‏يا‏ ‏أبونا‏ ‏محل‏ ‏وحيد‏ ‏رفعت‏ ‏بيتحرق‏, ‏اعتقدت‏ ‏في‏ ‏وقتها‏ ‏أنه‏ ‏ماس‏ ‏كهربائي‏ ‏وصاحب‏ ‏المحل‏ ‏اكتشف‏ ‏ذلك‏ ‏صباحا‏.‏
‏* ‏خلصت‏ ‏صلاة‏ ‏القداس‏ ‏الساعة‏ 7 ‏وجريت‏ ‏نحو‏ ‏شارع‏ ‏زغلول‏ ‏لقيت‏ ‏عربية‏ ‏المطافي‏ ‏واقفة‏ ‏وفوجئت‏ ‏باحتراق‏ ‏محل‏ ‏آخر‏ ‏في‏ ‏حارة‏ ‏مجاورة‏, ‏وقفت‏ ‏بجوار‏ ‏الضابط‏ ‏وحسام‏ ‏بيه‏ ‏رئيس‏ ‏المباحث‏ ‏وكان‏ ‏بجوارهما‏ ‏سيارة‏ ‏إطفاء‏ ‏وعربيات‏ ‏الشرطة‏ ‏لما‏ ‏اكتشفوا‏ ‏أن‏ ‏هناك‏ ‏محلا‏ ‏ثالثا‏ ‏بيحترق‏ ‏وأحنا‏ ‏علاقتنا‏ ‏كويسة‏ ‏جدا‏ ‏مع‏ ‏المسئولين‏.. ‏والأمور‏ ‏أخذت‏ ‏شكل‏ ‏طبيعي‏ ‏حتي‏ ‏الساعة‏ ‏العاشرة‏ ‏وقلت‏ ‏لصاحب‏ ‏المحل‏ ‏الأول‏ ‏إللي‏ ‏خسر‏ ‏هايتصلح‏ ‏ونعتبر‏ ‏الموضوع‏ ‏انتهي‏.. ‏في‏ ‏العاشرة‏ ‏والنصف‏ ‏سمعنا‏ ‏هيصة‏ ‏وقالوا‏ ‏لنا‏ ‏إن‏ ‏فيه‏ ‏شوية‏ ‏عيال‏ ‏جايين‏ ‏من‏ ‏الغرب‏ ‏في‏ ‏حالة‏ ‏هياج‏ ‏وكانوا‏ ‏بيرددوا‏ ‏أحنا‏ ‏بناخد‏ ‏شرف‏ ‏بنتنا‏ ‏من‏ ‏النصاري‏, ‏بدأ‏ ‏التكسير‏ ‏والنهب‏ ‏والحرق‏ ‏من‏ ‏الساعة‏ ‏الحادية‏ ‏عشر‏ ‏صباحا‏ ‏حتي‏ ‏العاشرة‏ ‏مساء‏ ‏واتنهبت‏ ‏حوالي‏ 65 ‏من‏ ‏محلات‏ ‏الملابس‏ ‏والمكتبات‏ ‏والصيدليات‏ ‏والبقالة‏, ‏بالإضافة‏ ‏لحرق‏ ‏ميني‏ ‏باص‏ ‏وتحطيم‏ ‏مستودع‏ ‏كوكاكولا‏.. ‏الناس‏ ‏قالت‏ ‏إن‏ ‏الأولاد‏ ‏دي‏ ‏من‏ ‏قري‏ ‏الصماصمة‏ ‏والجزارين‏ ‏وأولاد‏ ‏نجم‏ ‏وشق‏ ‏الوزير‏.. ‏لما‏ ‏حاولنا‏ ‏الاستعانة‏ ‏بالشرطة‏ ‏قالوا‏ ‏إن‏ ‏مهمتنا‏ ‏حراسة‏ ‏مبني‏ ‏الكنيسة‏ ‏فقط‏.‏
الكوم‏ ‏الأحمر‏ ‏وتهجير‏ ‏المسيحيين
‏* ‏بعد‏ ‏حادثة‏ ‏فرشوط‏ ‏اتصلت‏ ‏بينا‏ ‏الجهات‏ ‏الأمنية‏ ‏ضمن‏ ‏خطتها‏ ‏للحفاظ‏ ‏علي‏ ‏الأمن‏ ‏في‏ ‏قرية‏ ‏الكوم‏ ‏الأحمر‏ ‏لمطالبتنا‏ ‏بإخلاء‏ ‏القرية‏ ‏من‏ ‏البنات‏ ‏والسيدات‏ ‏المسيحيات‏ ‏علي‏ ‏أساس‏ ‏يقعدوا‏ ‏شوية‏ ‏ثلاثة‏ ‏أو‏ ‏أربعة‏ ‏أيام‏ ‏حتي‏ ‏تهدأ‏ ‏الأمور‏, ‏فأطعنا‏ ‏الأوامر‏ ‏خرجت‏ ‏السيدات‏ ‏من‏ ‏القرية‏ ‏احتراما‏ ‏للمشاعر‏, ‏لكن‏ ‏بعد‏ ‏عدة‏ ‏أيام‏ ‏اتصل‏ ‏بنا‏ ‏رجال‏ ‏من‏ ‏القرية‏ ‏بيقولوا‏ ‏الحقونا‏ ‏أجبرونا‏ ‏علي‏ ‏ترك‏ ‏منازلنا‏ ‏وتم‏ ‏إخلاء‏ 27 ‏بيت‏ ‏مسيحي‏ ‏من‏ ‏القرية‏.. ‏لكن‏ ‏من‏ ‏أبناء‏ ‏القرية‏ ‏إخوة‏ ‏مسلمين‏ ‏قدروا‏ ‏الموقف‏ ‏وبيحافظوا‏ ‏علي‏ ‏بيوت‏ ‏جيرانهم‏ ‏المسيحيين‏ ‏حتي‏ ‏يعودوا‏.‏
لم‏ ‏يتحرك‏ ‏أحد‏ !‏
‏* ‏تمام‏ ‏الثانية‏ ‏ظهر‏ ‏الأحد‏ ‏الماضي‏ 7 ‏فبراير‏ ‏كان‏ ‏موعدنا‏ ‏مع‏ ‏نيافة‏ ‏الأنبا‏ ‏كيرلس‏ ‏في‏ ‏مقره‏ ‏المتواضع‏ ‏بنجع‏ ‏حمادي‏, ‏المحاط‏ ‏أمنيا‏, ‏وقد‏ ‏بدأت‏ ‏عليه‏ ‏علامات‏ ‏الإرهاق‏ ‏والتعب‏.. ‏بادرت‏ ‏نيافته‏ ‏بالقول‏: ‏ماذا‏ ‏بعد‏ ‏يا‏ ‏سيدنا؟‏.‏
قال‏: ‏أولا‏ ‏رغم‏ ‏الأحداث‏ ‏إللي‏ ‏حصلت‏ ‏العلاقات‏ ‏بيننا‏ ‏وبين‏ ‏إخواتنا‏ ‏المسلمين‏ ‏كأسر‏ ‏وعائلات‏ ‏لم‏ ‏تنحصر‏. ‏أنا‏ ‏رحت‏ ‏مع‏ ‏الآباء‏ ‏الكهنة‏ ‏واجبين‏ ‏عزاء‏ ‏وفي‏ ‏تقارب‏ ‏بيننا‏ ‏وبين‏ ‏العقلاء‏, ‏لكن‏ ‏إللي‏ ‏عندهم‏ ‏مفاهيم‏ ‏مغلوطة‏ ‏دول‏ ‏إللي‏ ‏يمثلوا‏ ‏العبء‏ ‏ودائما‏ ‏تأتي‏ ‏النار‏ ‏من‏ ‏مستصغر‏ ‏الشرر‏ ‏والناس‏ ‏دول‏ ‏غير‏ ‏مسئولين‏ ‏اجتماعيا‏ ‏أو‏ ‏دينيا‏ ‏وبنعاني‏ ‏منهم‏ ‏ولا‏ ‏يزالون‏ ‏لحد‏ ‏دلوقتي‏ ‏بيسعوا‏ ‏إلي‏ ‏الانتقام‏ ‏لأن‏ ‏دي‏ ‏رواسب‏ ‏داخلية‏ ‏وإحنا‏ ‏بنستند‏ ‏علي‏ ‏قول‏ ‏ربنا‏: ‏إللي‏ ‏ربنا‏ ‏بيحبه‏ ‏يجعل‏ ‏أعداءه‏ ‏يسالمونه‏.‏
أضاف‏: ‏لكن‏ ‏في‏ ‏ظل‏ ‏هذه‏ ‏الأحداث‏ ‏بيتعامل‏ ‏رجال‏ ‏الدين‏ ‏بروح‏ ‏السلام‏ ‏والمحبة‏ ‏وطول‏ ‏الأناة‏, ‏وبنتكلم‏ ‏مع‏ ‏العقلاء‏ ‏علشان‏ ‏نشوف‏ ‏حلول‏, ‏لأن‏ ‏الأحداث‏ ‏أثرت‏ ‏علي‏ ‏المسيحيين‏ ‏اقتصاديا‏ ‏واجتماعيا‏ ‏وعلي‏ ‏المسلمين‏ ‏أيضا‏, ‏لأن‏ ‏في‏ ‏وجود‏ ‏القلق‏ ‏والاضطراب‏ ‏مين‏ ‏هايفتح‏ ‏المحلات‏ ‏ومين‏ ‏هايشتغل؟‏.‏
قال‏: ‏لحد‏ ‏دلوقت‏ ‏الأمور‏ ‏مش‏ ‏مطمئنة‏ ‏وإحنا‏ ‏خايفين‏ ‏من‏ ‏تبعات‏ ‏الأحداث‏ ‏ومنتظرين‏ ‏أحكام‏ ‏القضاء‏, ‏الوضع‏ ‏لا‏ ‏يزال‏ ‏متوترا‏.. ‏أنا‏ ‏نفسي‏ ‏مش‏ ‏مرتاح‏ ‏ودليل‏ ‏كده‏ ‏أن‏ ‏الأمن‏ ‏متواجد‏ ‏بكثافة‏ ‏بمدينة‏ ‏نجع‏ ‏حمادي‏.‏
‏* ‏وعن‏ ‏كيف‏ ‏وصلت‏ ‏الأمور‏ ‏إلي‏ ‏هذا‏ ‏الحد‏ ‏قال‏: ‏لاحظي‏ ‏الوضع‏ ‏الاجتماعي‏ ‏الذي‏ ‏يسوء‏ ‏يوم‏ ‏عن‏ ‏يوم‏ ‏في‏ ‏فترة‏ ‏الثمانينيات‏ ‏والتسعينيات‏ ‏كان‏ ‏الإرهاب‏ ‏علي‏ ‏أشده‏, ‏لكن‏ ‏نجع‏ ‏حمادي‏ ‏كانت‏ ‏هادئة‏, ‏ورغم‏ ‏إللي‏ ‏حصل‏ ‏سنة‏ 1980 ‏من‏ ‏هجوم‏ ‏علي‏ ‏محلات‏ ‏الذهب‏ ‏ولكن‏ ‏ماكانش‏ ‏لها‏ ‏ردود‏ ‏الأفعال‏ ‏الواسعة‏ ‏زي‏ ‏الأحداث‏ ‏الحالية‏ ‏إللي‏ ‏النفوس‏ ‏فيها‏ ‏مشحونة‏, ‏وفيه‏ ‏إعلام‏ ‏خارجي‏ ‏وتعاليم‏ ‏وافدة‏ ‏وعوامل‏ ‏شحن‏.. ‏والمعالجة‏ ‏لازم‏ ‏تكون‏ ‏من‏ ‏الطرفين‏ ‏المسلمين‏ ‏والمسيحيين‏, ‏لازم‏ ‏يكون‏ ‏هناك‏ ‏حلولا‏ ‏مختلفة‏ ‏للمجتمعات‏ ‏القروية‏ ‏البسيطة‏.‏
‏* ‏وبعد‏ ‏أربعين‏ ‏يوما‏ ‏مضت‏ ‏يا‏ ‏سيدنا‏ ‏علي‏ ‏أحداث‏ ‏نجع‏ ‏حمادي‏ ‏ماذا‏ ‏بعد؟‏. ‏قال‏: ‏صدقيني‏ ‏أنا‏ ‏عايش‏ ‏بقوة‏ ‏ربنا‏ ‏مش‏ ‏حاسس‏ ‏لا‏ ‏بالأكل‏ ‏أو‏ ‏الشرب‏ ‏فقط‏ ‏أشعر‏ ‏بهبوط‏ ‏جسماني‏ ‏ومش‏ ‏قادر‏ ‏أتابع‏ ‏أجندة‏ ‏يومي‏ ‏ولولا‏ ‏نعمة‏ ‏ربنا‏ ‏إللي‏ ‏سانداني‏ ‏والقداسات‏ ‏لكنت‏ ‏وقعت‏. ‏وقال‏: ‏أحنا‏ ‏مش‏ ‏في‏ ‏داخلنا‏ ‏شر‏ ‏ولا‏ ‏حب‏ ‏انتقام‏, ‏بنحاول‏ ‏نهدئ‏ ‏الناس‏ ‏علشان‏ ‏تتحمل‏ ‏التجربة‏ ‏وبنشجعهم‏ ‏بكلام‏ ‏الإنجيل‏.. ‏لاحظي‏ ‏أننا‏ ‏في‏ ‏وسط‏ ‏الأتون‏ ‏عندنا‏ ‏عيال‏ ‏استشهدوا‏, ‏عندنا‏ ‏ناس‏ ‏مصابين‏.. ‏عندنا‏ ‏شباب‏ ‏لايزالوان‏ ‏قيد‏ ‏الحبس‏, ‏نجحنا‏ ‏في‏ ‏إخراج‏ 80 ‏منهم‏ ‏من‏ ‏جملة‏ ..95 ‏عندنا‏ 43 ‏محالا‏ ‏وبيوت‏ ‏محروقة‏ ‏ومنهوبة‏ ‏في‏ ‏نجع‏ ‏حمادي‏ ‏وبهجورة‏ ‏و‏68 ‏في‏ ‏فرشوط‏, ‏وعايزين‏ ‏ندبر‏ ‏إعاشة‏ ‏لكل‏ ‏هؤلاء‏.. ‏صحيح‏ ‏بنصرف‏ ‏تعويضات‏ ‏الدولة‏ ‏لكنها‏ ‏تمثل‏ ‏نسبة‏ ‏بسيطة‏ ‏وأنا‏ (‏كأب‏) ‏ماقدرش‏ ‏أشوف‏ ‏كل‏ ‏واحد‏ ‏كان‏ ‏شغال‏ ‏وبقي‏ ‏شحات‏.‏
‏* ‏وهل‏ ‏من‏ ‏حراك‏ ‏لهذا‏ ‏الموقف؟‏ ‏قال‏: ‏إللي‏ ‏أنا‏ ‏شايفه‏ ‏كل‏ ‏الفئات‏ ‏إللي‏ ‏جاءت‏ ‏لتقديم‏ ‏العزاء‏ ‏واتكلمنا‏ ‏مع‏ ‏بعض‏ ‏لكن‏ ‏بلا‏ ‏عمل‏ ‏هنا‏ ‏مفيش‏ ‏الوعي‏ ‏الكافي‏ ‏لإزاحة‏ ‏التراكمات‏, ‏مفيش‏ ‏الرؤية‏ ‏للتصحيح‏, ‏هنا‏ ‏مش‏ ‏زي‏ ‏بحري‏, ‏وأنا‏ ‏متهم‏ ‏بأنني‏ ‏باقود‏ ‏أحداث‏ ‏الانتخابات‏ ‏وبأقف‏ ‏جنب‏ ‏المسيحيين‏, ‏وكل‏ ‏ده‏ ‏فوق‏ ‏رأسي‏ ‏ولما‏ ‏آجي‏ ‏أخطو‏ ‏خطوة‏ ‏نحو‏ ‏حد‏ ‏يقولوا‏ ‏لي‏ ‏أنت‏ ‏لسة‏ ‏هاتعمل‏ ‏زعيم‏ ‏تاني‏. ‏ماحدش‏ ‏مستعد‏ ‏يساعدنا‏ ‏في‏ ‏تحريك‏ ‏الموقف‏ ‏أنا‏ ‏هاقولك‏ ‏أحنا‏ ‏معانا‏ ‏ربنا‏ ‏لأن‏ ‏استخدام‏ (‏عود‏ ‏الكبريت‏ ‏والشرف‏) ‏في‏ ‏مثل‏ ‏هذه‏ ‏الأحداث‏ ‏الطائفية‏ ‏عامل‏ ‏لنا‏ ‏أزمة‏, ‏يعني‏ ‏لما‏ ‏تكوني‏ ‏قاعدة‏ ‏وضيف‏ ‏يقول‏ ‏إن‏ ‏الولد‏ ‏لازم‏ ‏يعدموه‏ ‏ما‏ ‏نقدرش‏ ‏نتكلم‏ ‏لأن‏ ‏الأمر‏ ‏واخد‏ ‏قالب‏ ‏ديني‏ ‏سخن‏ ‏مالناش‏ ‏غير‏ ‏ربنا‏.‏
‏* ‏أضاف‏ ‏أنا‏ ‏لا‏ ‏أجد‏ ‏استجابات‏ ‏واضحة‏ ‏وبأعد‏ ‏أيام‏ ‏شهر‏ ‏فبراير‏ ‏في‏ 3 ‏قضايا‏ 13 ‏فبراير‏ ‏قضية‏ ‏الشهداء‏, ‏و‏17 ‏فبراير‏ ‏قضية‏ ‏جرجس‏ ‏بارومي‏, ‏و‏22 ‏فبراير‏ ‏قضية‏ ‏إللي‏ ‏قتلوا‏ ‏في‏ ‏عيد‏ ‏القيامة‏ ‏في‏ ‏قوص‏ ‏خلاف‏ ‏الـ‏15 ‏معتقلا‏.‏