تداول نشطاء موقع التواصل الاجتماعي “فيس بوك” صورًا، لمجموعة من الرجال قرروا تقليد النساء حين يتصورن، فمنهم من اتخذ من كرشه بديلًا للحمل واتخذ لقطته، ومنهم من قلدوا الوقفات وطريقة تصفيف الشعر، والتعامل مع الجسد بليونة.
وقد أثارت الصور جدلًا واسعًا ، فهناك من اعتبرها مضحكة ولذيذة وهناك من اعتبرها شيء مقزز.
عبرت نادية عن غضبها قائلة :”محدش فاهم ان الرجالة دي بتسخر من البنات والبوزات يلي بياخدوها لما يتصورو، فعلا نحن نستحق ما يحدث لنا، دايما بنطلق الأحكام ونتهم الناس حتى بدون ما نفهم خلفية الموضوع، صدق من قال: حقيقة أننا نقرأ، لا تعني أننا نفهم“.
أما إسلام إبراهيم، على الرغم من أنه رجل إلا أنه أعرب عن غضبه الشديد :”أقسم بالله وأنا بتفرج ..كنت هتف علي الموبايل..إيه القرف ده..وإزاي أصلا بتقولوا عليهم مجموعه من الرجال..دول مجموعة من الشواذ..وأنصاف الرجال..ولو هما دول الرجاله..يبقي إحنا في نهاية الزمان ودي علامات الساعة..وحتي لو هما عاملين كده علي سييل الهزار والتريقه..بس مفتكرش إن في راجل سوي وأركان الرجوله عنده مكتمله.. يعرف يقف يتقصع ويتمايص كده..الراجل راااااجل يا خوااااانا”.
ومزحت هبة صلاح على تلك الصور، قائلة :”امشى أنت وهو .. الصور دي تدل على أن الراجل شكله وحش وركبه أوحش من الست”.
واعتبر محمد الرشيدي تلك الصور مقززة وغير مضحكة:”وربنا عيب اوي ع سنهم اللي هم بيعملوه ده ، شئ مقرف جدا فعلا ألم تستحي فأفعل ما شئت يارب ديما علينا نعمة الحياء”.
وتغزل عبدالرحمن في البنات قائلًا:”هو حد يعرف يقلد البنات وعسل البنات برضو، دول هدية من ربنا يا جماعة”.
ولم تعتبر نرمين الصور سخرية بقدر ما اعتبرتها تقليد :”دول مش بيقلدوا حضرتك دول بيتريقوا علي حركات بعض البنات، وبصراحة عندهم حق”.
جاءت تعليقات الشباب غاضبة جدًا، في حين أن بعض الفتيات أعتبرت الصور مضحكة وعادية، والبعض الآخر منهم اعتبر الصور لا قيمة لها.