وقت شعور اللا شعور
ألتزم السكوت
ألتزم البيوت
دور بزمه جوا الحاجات
وقت عدى وقت فات
لا كنت فيه الشاب الهمام
ولا كان حبك قادر يبان
دور بزمه جوا الحاجات
هتلاقى صورة
هتلاقى ورقة مسكورة
من كتر الكلام
دور بزمه جوا اللى فات
هتلاقى عمرك زى الحارات
رغم ضيقها سايعة الكتير
كتر الانين
قد السنين
لا الكهل حب
لا الشاب نال
وقت المحال
اصبح الشاب كهل
و الكهل مات
من كتر الفُرجة على اللى فات
خطوة ورا
و خطوة واقفة فى المكان
ناس تعاتبك
ناس تزوقك
ولسه رجلك ع الزمان
وقت فوقتك
وقت توبتك
غير معلوم
غير مفهوم
كل الى تقدر تقوله
انك لابد في يوم هتكون
واقف وفى نفس ذات المكان
بتقلب فى الحاجات
تتفرج ع اللى فات
لا بقيت الشاب الهمام
ولا حبك قدر يبان.