أكد المدير الفني لفريق الكره الأول بالنادي المصري حسام حسن خلال المؤتمر الصحفي عقب مباراة المصري و الأهلي، أنه كان يعرف سيناريو الكوارث التحكيمية من قبل المباراة، مشيراً إلى أنه كان يعلم أنه سيخسر المباراة من قبل أن يلعبها .
وفاز الأهلي على المصري البورسعيدي بهدفين مقابل لا شيء، وذلك في المباراه التي أُقيمت بين الفريقين على استاد برج العرب بالإسكندرية.
وقال حسام : “إحنا لما مسكنا المصري كان فوقيه الجونه والمقاولين والمقاصه كله كان فوقينا، إحنا الجهاز اللي بيشيل الطين بس إحنا ارتضينا “.
وأضاف :”لما المحافظ طلب اننا نحاول ننقذ اللي نقدر عليه وافقنا واي جهاز مكنش هيوافق في الظروف دي، لكن إحنا وافقنا لأن المصري كبير”.
وواصل :”إحنا اشتغلنا نفسياً وجهزنا نفسنا ومحاضرات، في مباريات قبل ما نلعب بنحط الأحداث اللي ممكن تحصل زي النهارده، أنا داخل المباراة و جوايا إحساس إننا ٩٩٪ هنخسر “.
وأردف:” إحنا ملناش دية ،ولو ليك حاجة ٥٠٪ ٥٠٪ مش هتتحسب ، يعني ضربة جزاء أموتو ده في أي ماتش تاني هيتحسب ، لكن النهارده لا ”.
وأتم :” عشان كده بقول إحنا كده كده هنخسر ، والكلام ده ممكن يتكرر في الماتش اللي جي “.