دشن نشطاء موقع التواصل الاجتماعي تويتر هاشتاج باسم “من أسباب رفع الضغط عند المصريين”، جاء ذلك في محاولة من الشباب لاستيعاب حالة الغضب التي يعيشها الشعب بشكل دائم.
قالت ندى ، إحدى النشطاء، إن أكثر ما يرفع ضغطها :”لما أشوف اﻷجنبي أبو بورنيطه وعقال بياخد اﻷرض بالفدان وببلاش، وأنا سيبت بلدي عشان مش ﻻقي شقة70متر بسبب الرشاوي”.
مازحت أخري، قائلة :الست اللى بتقولك عفوا لقد نفذ رصيدك.
بينما دينا فكان ما يزعجها الموظفين:موظفين الحكومة و أي حاجة آخرها حكومة عامة .. لمَّ تروح تخلص ورقة من هيئة حكومية ممكن يجيلك الضغط والسكر ومعاهم كادو كاللو.
اعتبرت رغدة عدم احترام النظام هو أهم أسبابه:واحدة عاوزة تاخد دورك بحجة، معلش أصل معايا طفل، معلش أصلي سايبة طفل ف البيت، أنا مالي بقراراتك ف التكاثر.
والحديث فيما لا يعنينا كان راي لورانس:كل واحد يتكام في موضوع لازم يقول رأيه فيه حتى لو هو مش ملم بالتفاصيل او معلومات .. بس غلاسة كده !!.
وعلى نهج شعبي قالت دعاء البيلي :إن عينهم بصيرة وإيدهم قصيرة مش طايلة.
اعتبر علاء نور، أحد النشطاء، فاتورة الكهرباء سبب رئيسي في ذلك.
قال هداف المعلمين، إن الكذب والنفاق من ضمن الأسباب :أن بعض الناس تصدق الكداب وتحبه وتمشي على هواه ويتحكم فيهم عشان هو منافق.
حللت سمر الأمر بشكل علمي :أكل المحمر و المشمر و السمنه المهدرجة، و النوم.