نشر الفنان محمد رمضان بوست على حسابه الخاص بـ موقع التواصل الإجتماعي “فيس بوك” سؤال يعود إلى مسلسل ابن حلال ودوره “حبيشة” وبالأخص عن مشهد تقبيل الصليب وكان السؤال يقول
ليه الصليب بوسته في المشهد ده ؟!
وكان الرد: أخويا في الرضاعة مسيحي اسمه روماني جرجس .. لما كان عمري سنة أمي تعبت واتحجزت في المستشفى أسبوع واللي رضعتني الأسبوع ده أم روماني .. والشارع اللي كنت ساكن فيه كان تقريباً أربع بيوت بس للمسلمين والباقي مسيحيين .. أفراحهم كنا بنحضرها في الكنيسة وكانوا بيحضروا كتب الكتاب في قاعة المناسبات في المسجد، كان أكلنا واحد وأحلامنا وأحزانا واحدة ( وثقة في الله هنفضل كده ) ويمكن علشان كده في المشهد ده اتفاجئت إني بابوس الصليب بدون أي اتفاق مسبق مع المخرج بتلقائية وعفوية .. وده لأني اتعودت واتربيت على إني أحترم ما يحترمه أخوتنا المسيحيين ( الدين لله والوطن للمسلمين والمسيحيين معاً ) #محمد_رمضان #حبيشة #ابن_حلال