كل واحد اصله عبد
يتشد
فيطلع احلي ما عنده
عبد الفكره و تنفيذها
ويقول افكاره يقدسها
ويعزل نفسه عن الدنيا
بكل آرائها و احاديثها
عبد المزيكا بيدوب
في يدوب
حبه دندنة
وانا
عبد حرية
كلمه كما اللبان سهله
عبد لفكره مستاهله
مش حرية تعبير
حرية غير
فك كلبش الروح
من قيود
عبودية اي فكره
او اي رأي لأي حد
نظره غيري لبكره
حاجه محستهاش بجد
بس عملتها لأني مجبر
و اكسر
اي فكر مش راضيني
ضد ديني
ولو همشي عكس الناس
محتاس
احسن ماكون بينهم عبد
بسعي لهد
كل حاجه حلوة فيا
عشان مبقالهمش دخيل
وانساق كما الخروف
و ضيوف
المنظره
حريتهم كلام وبس
او بوست لامم لايكات
او واحد قدس فكره
قبلها الباقي بسكات
مفيش كرباج يحكم فكره
او حد يقيد روح
بس في اللي رأيه سيده
مكان مابيوديه بيروح
كل واحد اصله عبد
لكن المفتاح فإيده
بقلم: مونيكا فوزى