حان الآن وقت الوجع
حسب التوقيت المحلي للذكريات !
بالليل وف آخر يومك
و خصوصاً قبل النوم
أوجاعك تصحى و تسهر
و تقضّي السهرة هموم
بالليل وف آخر يومك
بتكون دي بداية اليوم !
اسمعيني وإفهميني
وإعرفي مني الطريقة
اللي بيها هتنسي حبه
والغرام كله ف دقيقة
رجعيله أي ذكرى
إعمليله كمان بلوك
غيري الصورة القديمة
وحطي صورة heart locked
إمسحي أرقام موبايله
عرفيه قيمة هواكي
وإمسحي م الشات رسايله
وإكسفيه لو جه رضاكي
عدي بكرة وعدي بعده
شوفي غيره وحبي بعده
الحياة والدنيا ماشية
ومش هتخرب لأجل بُعده
ماتجيبيش أبدا ف سيرته
كبري دماغك شوية
ماتقوليش حُب وخسرته
قولي حُبه خسارة ليا
إقتلي الأحزان بضحكة
وإفتحي للفرح باب
وإكتبيها ف أي حتّه
تسقط الذكرى الهباب
دنيا كيوت وطيبه
أحلي حاجه فيها روحها
عندها الاصرار قووي
ومبتياسش م طموحها
حلمها انها تبقي حاجه
كبيره ما بين البشر
دينا اجمل نسمه شارده
رقيقه وأحلى م القمر