الجرح انفتح
والدم سال منه
القلب اندبح
و النبض تاه منه
ينزف انين
ينزف في دم من تعب السنين من هم راكبه هم
من غطان الطين
لجدران الصفايح
من فاس و طور و طحين
و الزهر اللي له روايح
من الارض
و ساقية دوارة
من الدوخه
غموا عيون للحمارة
الشقاه بان علي وشوشهم
و بين صخرين عايشين
النبع ينفجر لاجل يحيوا بماءه
لكنهم يا عم الميتين
دا الشق في وشوشهم
و الضحكة بتداري
النيل في شيخوخته
و ماءه اديه جاري
بياكل فال شاطين
وانت ولا داري
و طفلك في يوم ان ضحك فضحكته طياري
سارح بغولب
وانا المغلوب على أمري
اداوي جروح
وانا المجروح سايل دمي
ماشي بغني في المواويل
اداوي بيها في جروحي
مابين شطيين ماراسي النيل
نايم بطلع خلاص روحي