كشف أحمد دسوقي أحد أفراد طاقم حراسة المستشار هشام بركات النائب العام،عبر صفحته الشخصية على موقع التواصل الاجتماعي “فيس بوك انه تفاجأ صباح يوم جمعة في شهر يناير، بنزول النائب العام من منزله لاستقلال سيارته الخاصة بمفرده”، فدار بينهما الحديث التالي
– صباح الخير يا فندم
– صباح الخير يا أحمد “مصافحًا يدي بابتسامة خفيفة”
– معاليك ثواني وسيارة الحراسة تكون جاهزة
– لالالا أنا هعمل مشاوير عائلية والنهاردة الجمعة مش عايز أدوش حد معايا
– مينفعش يا فندم تتحرك لوحدك من غير حراسة
– الحارس ربنا ومحدش بيموت ناقص عمر وكمان الظباط بتموت ومبيكونش معاهم حراسة وأنا مش أقل منهم يا عم أحمد وأنا حابب أكون براحتى وسط الناس
– طب استنى معاليك أنا جاى معاك
– “طبطب على كتفى بابتسامة وقالي”: لا خليك هنا عشان البيت
وأغلق نافذة سيارته الخاصة وانطلق مسرعا
وأضاف “الدسوقي”: نعم كان ليا الشرف إني انتدب لمدة شهر لتأمين هذا الرجل، وفي خلال هذا الشهر اكتشفت أنه رجل غير متكبر ونقي وحنون، ولا أملك الآن سوى الدعاء ودعواتكم أيضًا له بالرحمة وربنا يدخله فسيح جناته ويلهم أسرته الصبر والسلوان