تسابق المثقفين والمفكرين وأصدقاء الراحل المناضل جورج إسحاق في رثاء الرجل الوطنى، وتذكر العديد من المواقف التى حدثت معه.
وقال الدكتور عمرو حمزاوي استاذ العلوم السياسية
عن المناضل الراحل أن مصر هى دنيته فقط.
وكتب” أغنية يا دنيا يا غرامي لمحمد عبد الوهاب كانت رنة تليفون أخويا الكبير وصديقي الحبيب جورج إسحاق لسنين طويلة.
غرام جورج بالدنيا ما كانش للجري ورا متعها. كان غرام من نوع تاني، غرام اللي عايز يغير الدنيا للأحسن، غرام اللي بيدور على الحق والعدل والحرية والمساواة للكل.
ودنيا جورج ما كانتش في الحقيقة غير مصر اللي حب ناسها وأرضها وتاريخها اللي كان بيدرسه ودياناتها اللي احترمها جميعا وأخلص لمواطنة ما تفرقش بين المسيحي واليهودي والمسلم.
وزي ما كانت جدعنة جورج وضحكته المجلجلة ومجاملاته اللي كانت بتسعد اللي حواليه دليل على غرامه بالدنيا، كانت كمان اكتر حاجة مصرية أصيلة فيه. هتوحشني يا جورج، هتوحشنا كلنا، الدنيا كانت أحلى بيك، ربنا يرحمك ويعوضك في السما حب على اد الحب اللي زرعته في دنيا مصر.