أعزائي متابعينا في كل مكان .. أهلًا بكم معنا في الحلقة الأولى من سلسلة جديدة، و هي: سلسلة “تذوق الألحان القبطية”.
والحقيقة سلسلة التذوق دي مهمة جدًا، لأنها مش بس هتفيدكم في تذوق الألحان القبطية، لكنها هتفيدك في تذوق الموسيقى بشكل عام، كل أشكال و ألوان الموسيقى التي في العالم.
علشان تتذوقوا و تتمتعوا بجمال أي موسيقى جميله، زي الألحان القبطية، لازم يكون عندكم شىء من المعرفة بالمفاهيم الموسيقية المرتبطة بالإدراك. والمعرفة دي هى اللي بتخليكم تقدروا تتذوقوا، فتستمتعوا وتعيشوا هذه الألحان.
و في الحلقة الأولى من السلسلة دي، حابب تعرفوا قيمة الموسيقى و الألحان .. مش مني. لأ ، من زعماء و مفكرين و من فلاسفة… و من موسيقين عالميين، علشان تعرفوا هل فعلاً موضوع الموسيقى و الألحان ده يستاهل أننا نتعب شوية و نتعلم شوية حاجات بسيطه تخلينا نتذوق..
يلا بينا نسمع و نشوف أيه الحكاية