كشف المدير الفني لفريق الكره الأول بالنادي المصري، عن كواليس مشادته مع حكم لقاء الأهلي و الحكم المساعد، بسبب إلغاء هدف المصري واحتساب ركله جزاء على فريقه.
وفاز الأهلي على فريق المصري بهدفين مقابل لا شئ، وذلك في المباراة التي أُقيمت بين الفريقين على استاد برج العرب بالإسكندرية.
وقال حسام حسن في تصريحاته :” هتواصل مع رئيس الوزراء وعايز حقي من الحكم المساعد سمير جمال قالي مش هسيبك وهبطلك كورة ونهايتك في الكورة ع ايدي، فهل يستطيع الحكم أن يهدد أي شخص آخر ولكن يهدد حسام حسن بس؟”.
وقال حسام حسن في المؤتمر الصحفي :” مبروك للأهلي هو مش طرف في المشكلة، ولكن في ناس عايزة تبوظ شغل الناس اللي بتتعب زيي ، أنا اتهددت على خط الملعب ولو في الشارع كان اوعمل محضر ، لكن جوا الملعب مين هيجبلي حقي ؟ “.
وأضاف :” أنا مش عاوز المنتخب ومش عاوز أي حاجة، أنا خدمت الكرة المصريه كتير ومخدتش منها حاجه ، أنا بطلب من رئيس الوزراء يجبلي حقي لأن لا وزير الرياضة ولا إتحاد الكوره هيجبلي حقي “.
وأتم :” الحكم النهارده عمل كل اللي هو عاوزه ، حسب ضربه جزاء ولغى جول والحكم المساعد هددني وقالي أنا هخليك تشطب كورة “.
ورفع الأهلي رصيده من النقاط إلى النقطة 62 ليستمر في المركز الثالث ومطاردة بيراميدز على الوصافة.