تحدث الرئيس عبدالفتاح السيسي، عن مبادرة «إحلال المركبات» القديمة بأخرى تعمل بالغاز، قائلًا: «نوقف في الشوارع العربيات القديمة ونقول لصاحبها خد العربية الجديدة ونكتب اسمه واللي يقدر يدفعه يدفعه واللي ميقدرش ندفعه إحنا».
وأضاف “السيسي” خلال حديثه باحتفالية “أبواب الخير”، التي ينظمها صندوق “تحيا مصر” بالعاصمة الإدارية الجديدة، بحضور الرئيس السيسي، “كل لما تكون القدرة المالية للدولة أو للعمل الخيري عالية هتفرق مع الناس، اللي راكب عربية قديمة هلكانة مغلباه في الإصلاح ومحدش عاوز يركبها معاه، لكن لو العربية شكلها جديدة ونضيفة وبتاخد غاز بسيط، عاوز ألاقي 10 آلاف عربية مرصوصين من صندوق تحيا مصر”.
ووجه حديثه للمسؤولين بصندوق تحيا مصر قائلًا: “عاوز ألاقي 10 آلاف سيارة مرصوصة نديها للناس اللي بيركبوا العربيات دي، حتى لو هيسدد لك نص التمن ولا حاجة بس منسيبهوش كده.. معكومش فلوس؟”.
وتابع رئيس الجمهورية: “أرجو إننا نطور أدائنا، بدل ما نوزع مليون واتنين وتلاتة مليون كرتونة إن شئتم، لكن أيضًا نحوّل حياة الأسر من حالة صعبة لحالة استقرار”.