بطريقة مبتكرة الإعلان عن عرض مسرحي ،قامت الصفحة الرسمية لمسرح الأنبا رويس بالعباسية بالنشر على حسابها الخاص بموقع التواصل الاجتماعي فيسبوك منشور يتحدث عن الممنوعين من حضور مسرحية the lion king ،حيث نشرت تقول :”- لو حضرتك نكدي وكئيب و مكشر ومبتحبش الضحك والهزار .. متجيش .. علشان لو جيت صحابك هيقفشوك وأنت ميت من الضحك وصوتك هيجيب لأخر المسرح .. وساعتها البرستيج بتاعك ممكن يروح”.
وتابع المنشور يقول :”- لو بتحب أفلام الكارتون وحكايات ديزني .. متجيش .. علشان هتشوف قدامك ولأول مرة ابطال الكارتون “من لحم ودم” .. هتتفرج علي سيمبا .. وهتتغاظ من سكار .. وهتضحك مع تيمون وبومبا .. وهتتبسط مع شلبي سلوفان وسندريلا .. ولما المسرحية تخلص مش هتقدر تمشي وتسيبهم بسهوله .
– لو كنت سينجل من السناجل .. احسنلك متجيش .. كمية قصص الحب اللي هتشوفها هتخليك عايز تقوم ترتبط دلوقتي حالآ
– لو ضحكتك فضيحة وصوتها عالي وملفت .. متجيش .. عشان من كتر الضحك اللي هتضحكه الجمهور ممكن يتفرج عليك زي ما هيتفرج علي المسرحيه
– لو بتحب المسرحيات التقليديه أللي فيها خادم لابس قميص مقفول بزراير و شيطان بيخوفوا بيه العيال الصغيره وواحد بيصرخ وينزل علي ركبته في النهايه .. متجيش .. احنا مسرحيتنا خارج كل التوقعات .. وغير كل المسرحيات
الحفلات ايام :
١٤ و ١٥ و ٢٢ أغسطس
الساعه ٦ اخر النهار
علي مسرح الكاتدرائيه المرقسيه بالعباسيه
سعر التذاكر “٥٠ و ٦٠”.