– أبعد عن اللي طبعه مش طبعك , عشان الطبع عمره ما بيتغير .. وإللي مالوش أصل ولا كبير هيصغرك قدام نفسك قبل الناس..
– أبعد عن الكذاب والخاين لأنه عمره ما هيكون مخلص , الإخلاص فعل خفي لا رقيب عليه إلا الضمير..
– أبعد عن أي حد هونت عليه ولو لمرة واحدة ,لأن هاتهون عليه ألف مرة بعد كده..
– أبعد عن الناس القاسية و حط تحت كلمة قاسية 100 خط الناس دي مالهمش عزيز ولا غالي…
– أبعد عن اللي أختار صاحب غيرك وفضل متعته الشخصية عليك , اللي بيحبك لو حطوا الدنيا تحت رجليه مش هيختار غيرك صاحب وأنت بعد ما بيعت الدنيا عشانه أختار يكسرك…
– أبعد عن أي حد أناني مش شايف غير نفسه وبس..
– أبعد عن الناس اللي شايفه نفسها ما بتغلطش..
– أبعد عن حد حاولت تقربله وتطيب بخاطره وكسر بخاطرك..
– أبعد عن اللي حاولت تقربله خطوة وهو فضل مكانه…
– أبعد عن أي حد ما فهمش أنك سامحته مره واتنين عشان معزته عندك وهو فاكر نفسه أذكى منك…
– أبعد عن أي حد عارف أيه ممكن يوجعك ويجيب سكينه يحطها في جرحك ويوجعك..
– ثبعد عن أي حد احتاجته في شدتك وعمرك ما لاقيته..
– أبعد عن الناس اللي في وجودها هتحس أنك وحيد..
– أبعد عن اللي صغرك في يوم من الأيام قدام الناس…
– أبعد .. لما ما تلاقيش اللي يحس بيك ويفهمك…
– أبعد ما تبصش وراك تاني .. صدقني اللي هيخسرك مش هيعوضك تاني…
– أبعد لما ما تحسش بالأمان وانعدام الثقة…
– أبعد لما متلاقيش حنية..
– أبعد انت تستاهل الأحسن , تستاهل حد يعرف قيمتك ويقدرك ويصونك ف قلبه ويشيلك ف عينيه…
أبعد من غير ما تعاتب , العتاب أتعمل للناس اللي أنت لسه باقي عليها ,
خليك باقي على اللي باقي عليك ,
أنك تنسحب من حياة ناس مش مقدرينك وخانوا عشرتك دي مش نداله أو قله أصل لا دي منتهى القوة والجدعنة مع نفسك…