نشر الممثل الشاب شادي خفاجة منشور على حسابة الخاص يقول فيه :” أصدقائي و أخواتي المخرجين و مساعدين الإخراج و الإنتاج .. أصدقائي الفنانين أخواتي أللي بقوا نجوم ماشاء الله و مبسوط جدًا بنجاحهم و تألقهم و فخور بيهم وياما شاركنا بعض اللقمة و شاركنا بعض إحلامنا و أمنياتنا و شفتهم بفضل الله بيحققوا أحلامهم و فخور و فرحان بيهم جدًا لأنهم يستاهلوا ده ..
– أخوكم بقاله ١٠ سنين كاملين ماشتغلتش في أي عمل فني تحديدًا من ٢٠١١ ، ولا تم ترشيحي من قِبَّل أي حد من أصدقائي ، على الرغم من أني كل سنة اتصل ببعض المخرجين و مساعدين الإخراج أصدقائي أللي على تواصل دائم معاهم علشان أفكرهم بيا و بيكون الرد ديما إن أنا ممثل شاطر جدًا و مش محتاج تفكرنا بيك إحنا فاكرينك ديمًا و بنجيب سيرتك بكل خير بس مافيش حاجة مناسبة ليك ، مع أني ممثل و أقدر أعمل أي دور يطلب مني سواء صعيدي أو مودرن أو كوميدي أو شعبي أو ظابط أو الخ…
وتابع قائلاً : ” وبالنسبة لسني ماهواش معضلة أنا سني دلوقتي ٣٣ سنة يعني أغلب الممثلين و النجوم حاليًا في نفس العمر ده تقريبًا.
-أنا مش بلوم حد أنا عارف أنهم بيحبوني و عارف أنهم مش هيتأخروا لو شافوا حاجة مناسبة ليا ، بس أنا حبيت أفكركم بيا و أفكر أصحابي أللي بيحبوني و فاكرين ليا حاجة كويسة معاهم زمان.
– أغلب المقربين ليا هيتصلوا بيا حالاً و يقولولي أمسح البوست ده و مينفعش تكتب كده ، بس أنا شايف أني عايز أكتب ده من زمان و متأكد إن في ناس صحابي كانوا ناسيني و محتاجين بس حاجة تفكرهم بيا و يمكن البوست ده لو انتشر ربنا يكرم و الاقي فرصة كويسة و مش عيب أبدا إن الناس تساعد بعض على النجاح و الشغل و يابخت من ربنا جعله سبب لتوزيع أرزاق الناس”.
يذكر ان شادي خفاجة بدأ مشواره الفني من عمر الرابعة و بدأ الدخول في مجال الفن العربي واشترك شادي في العديد من الأفلام المصرية منها ناصر 56 عام 1992 و فيلم صياد اليمام،وظهر شادي بشكل مكثف على الشاشات الفضية منذ عام 1998 في برنامج عالم سمسم للأطفال على القناة الثانية بالتلفزيون المصري يومياوأيضا في العديد من المسلسلات العربية ومنها مسلسل أولاد الشوارع عام2006 ومسلسل بنت من الزمن ده عام 2008 ومسلسل الوتر المشدود عام 2009 ومسلسل ملح الأرض ومسلسل مملكة الجبل عام 2010 ومسلسل بعد الفراق عام 2009 وقام أيضا بالعديد من الأداء الصوتي لأفلام ومسلسلات الكرتون العربية المدبلجة ولدية أخوان هما الممثل هادي خفاجة و الممثل فادي خفاجة .