قالت عبير أحمد، مؤسس اتحاد أمهات مصر للنهوض بالتعليم، وائتلاف أولياء أمور المدارس الخاصة، إن جداول امتحانات الفصل الدراسي الأول للصفوف الأول والثاني الثانوي جيدة ولكن هناك بعض التحفظات عليها من جانب أولياء الأمور.
وأضافت “عبير”، في تصريحات صحفية، أن تحفظات أولياء الأمور تضمنت قلة الوقت المخصص لزمن الإمتحان والتي يضيع ربعه في تسليم أوراق الأسئلة وتوزيع الطلاب واللجان، فضلًا عن وجود امتحان مثل اللغة العربية والرياضيات في يوم واحد، وتخصيص 45 دقيقة فقط لمادة الكيمياء و مادة الفيزياء، وغيرها.
وتفاعل أولياء الأمور من الأمهات على صفحة اتحاد أمهات مصر، في الفيس بوك، حيث قالت ولي أمر: “طب ينفع امتحن في ساعة مادة زي الكيميا والفيزيا؟ فيه أيه بجد كده حرام أوي، ولا العربي اللي في ساعة ونص، هو ليه مصممين يحبطوا العيال، يا سيادة الوزير أنت بتتعامل مع أطفاااااال فاهم يعنى ايه طفل تطلب منه امتحان مادة علمية في ساعة ولا الخبراء اللي مع حضرتك مخدوش بالهم من الوقت بجد حرام”.
وأضافت ولي أمر: “طب حضرتك أخدتي بالك إن العربي والماث في يوم واحد، اللغه التانية والميكانيكس كل مادة في يوم لوحدهم، مش قادرة افهم بجد”، وتابعت أخرى: “المشكلة إن الساعة دي بتضيع في تنظيم اللجنة، هو فيه ايه بجد ليه مصممين يعاقبوا طلبة ثانوي ليه التعنت دا لصالح مين أخرج طالب ناقم بحد مش فاهمة، إحنا لا معترضين على تطوير ولا على نظام امتحان، بس مجرد أدى العيال وقت يعرفو يحلو فيه بلاش كله ضغط كده”.
وذكرت أخرى: “حد يقولي ده منظر جدول، ازاى عربي وجبر في يوم واحد، إزاي إنجليزي وكيمياء في يوم واحد”، واستكملت أخرى: “الجدول في منتهى الظلم حرام بجد ترتيب المواد والوقت”.