مولود المذود أنا أسف
ومن نفسي.. خجلان
كل ما أفكر في ميلادك
أتعجب وأبقى حيران
خالق السماء والأرض
في ميلاده مش لاقي مكان
تتولد في مذود من البقر
وتسمع نعير الحيوان
والغطاء خفيف والريحة صعبة
ومفيش دفاية ولا تكييف وأنت بردان
أظهرت اتضاعك و وداعتك
وده درس لكل إنسان
افتقدت الرعاة والمجوس
وكمان حنة النبية والشيخ سمعان
و في الأعالي مجد والناس مسرورة
وعلى الأرض السلام
_________________________________________________________________
بقلم القس فيلبس عوض الله ملاك
راعي كنيسة المسيح الإنجيلية بغبريال بالإسكندرية