‏موعد‏ ‏مع‏ ‏الشيطان‏ (‏٤)‏

ومشي‏ ‏الشيطان‏ ‏مع‏ ‏آدم‏ ‏مسافات‏ ‏رهيبة‏ ‏في‏ ‏لمح‏ ‏البصر‏ ‏لحد‏ ‏ما‏ ‏وقفوا‏ ‏قدام‏ ‏باب‏ ‏ضخم‏ ‏مكتوب‏ ‏عليه‏ (‏السقوط‏ ‏الممنهج‏)‏
سقوط‏ ‏ممنهج‏!! ‏إيه‏ ‏الإسم‏ ‏الغريب‏ ‏ده؟‏!‏
طول‏ ‏عمري‏ ‏أعرف‏ ‏إن‏ ‏السقوط‏ ‏سقوط‏.. ‏يعني‏ ‏واحد‏ ‏واقف‏ ‏ف‏ ‏مكان‏ ‏عالي‏ ‏وسقط‏ ‏لمكان‏ ‏واطي‏… ‏وقع‏ ‏يعني
أو‏ ‏إنسان‏ ‏وسقط‏ ‏في‏ ‏خطية‏ ‏أو‏ ‏غلط‏… ‏لكن‏ ‏أول‏ ‏مرة‏ ‏أسمع‏ ‏عن‏ ‏سقوط‏ ‏ممنهج‏… ‏واشمعنا‏ ‏صوت‏ ‏الصريخ‏ ‏عالي‏ ‏قوي‏ ‏ف‏ ‏المكان‏ ‏ده‏ ‏وألسنة‏ ‏النار‏ ‏أعلي‏ ‏وأشد‏ ‏من‏ ‏أي‏ ‏مكان‏ ‏تاني؟‏!!.‏
‏(‏تعال‏ ‏معايا‏ ‏يا‏ ‏آدم‏ ‏وامشي‏ ‏وأنت‏ ‏ساكت‏…)‏
وفجأة‏ ‏أتفتحت‏ ‏البوابة‏ ‏العملاقة‏… ‏لقي‏ ‏آدم‏ ‏نفسه‏ ‏مع‏ ‏الشيطان‏ ‏في‏ ‏بهو‏ ‏عملاق‏ ‏مساحته‏ ‏متتوصفش‏ ‏بأي‏ ‏أرقام‏ ‏بشرية‏..‏
مشي‏ ‏آدم‏ ‏وهو‏ ‏ساكت‏ ‏وف‏ ‏لمح‏ ‏البصر‏ ‏وبرغم‏ ‏المساحات‏ ‏المرعبة‏ ‏لقي‏ ‏نفسه‏ ‏واقف‏ ‏قدام‏ ‏شيطان‏ ‏جديد‏ ‏شكله‏ ‏مبهر‏… ‏جميل‏ ‏جدا‏… ‏جاله‏ ‏يسلب‏ ‏العقل‏…‏
‏(‏أهلا‏ ‏بيك‏ ‏يا‏ ‏آدم‏… ‏مالك‏ ‏باصصلي‏ ‏كده‏ ‏بذهول‏ ‏ومش‏ ‏شايل‏ ‏عينك‏ ‏من‏ ‏عليا؟‏)‏
الصراحة‏ ‏أنا‏ ‏متلخبط‏.. ‏إزاي‏ ‏تبقي‏ ‏شيطان‏ ‏وتبقي‏ ‏بالجمال‏ ‏ده؟‏! ‏أنل‏ ‏أول‏ ‏مرة‏ ‏أشوف‏ ‏حاجة‏ ‏كده‏!!).‏
وإيه‏ ‏اللي‏ ‏يمنع؟‏… ‏أنت‏ ‏متعرفش‏ ‏إننا‏ ‏نعرف‏ ‏نتشكل‏ ‏بالصورة‏ ‏اللي‏ ‏أحنا‏ ‏عوزينها‏ ‏واللا‏ ‏إيه؟‏)‏
تقصد‏ ‏إيه‏… ‏ده‏ ‏مش‏ ‏شكلك‏ ‏الطبيعي‏ ‏يعني؟‏!‏
‏(‏لا‏ ‏طبعا‏… ‏أنا‏ ‏زيي‏ ‏زي‏ ‏باقي‏ ‏الشياطين‏ ‏ف‏ ‏مملكة‏ ‏الجحيم‏ ‏في‏ ‏منتهي‏ ‏القبح‏ ‏لكن‏ ‏من‏ ‏شروط‏ ‏وظيفتي‏ ‏الأساسية‏ ‏إني‏ ‏أكون‏ ‏زي‏ ‏مانت‏ ‏شايفني‏ ‏كده‏ ‏قمة‏ ‏الجمال‏ ‏والوسامة‏ ‏والجاذبية‏).‏
وإيه‏ ‏الوظيفة‏ ‏اللي‏ ‏تحتاج‏ ‏مؤهل‏ ‏زي‏ ‏ده‏ ‏لشيطان؟‏!.‏
‏(‏أنا‏ ‏المسئول‏ ‏الأول‏ ‏عن‏ ‏السقوط‏ ‏الممنهج‏ ‏للبشر‏…‏
أنا‏ ‏تحت‏ ‏ايدي‏ ‏رتب‏ ‏أصغر‏ ‏مني‏ ‏كتير‏ ‏بيشتغلوا‏ ‏بتوجيهاتي‏…. ‏متقلقش‏ ‏هعرفك‏ ‏علي‏ ‏كل‏ ‏واحد‏ ‏فيهم‏… ‏ما‏ ‏زي‏ ‏ما‏ ‏قلنالك‏ ‏إحنا‏ ‏عبدالمأمور‏… ‏والخالق‏ ‏أمرنا‏ ‏نكشف‏ ‏لك‏ ‏كل‏ ‏حاجة‏…)‏
السقوط‏ ‏الممنهج‏… ‏ممكن‏ ‏أفهم‏ ‏يعني‏ ‏إيه؟
‏(‏إحنا‏ ‏بنعتبر‏ ‏نفسنا‏ ‏أذكي‏ ‏أنواع‏ ‏الشياطين‏ ‏وأكثرهم‏ ‏مهنية‏ ‏واحترافا‏…)‏
إيه‏ ‏الثقة‏ ‏دي‏ ‏كلها‏… ‏ليه‏ ‏يعني؟‏ ‏وعلي‏ ‏ايه؟‏!‏
‏(‏إحنا‏ ‏شغلتنا‏ ‏الناس‏ ‏اللي‏ ‏بتجاهد‏ ‏علشان‏ ‏تكون‏ ‏كويسة‏ ‏وفعلا‏ ‏بترفض‏ ‏الغلط‏ ‏في‏ ‏صورته‏ ‏المباشرة‏ ‏بتحب‏ ‏ربنا‏ ‏بتصلي‏… ‏دول‏ ‏الهدف‏ ‏بتاعنا‏ ‏وأظن‏ ‏إنه‏ ‏هدف‏ ‏مش‏ ‏سهل‏)‏
‏(‏طبعا‏ ‏مش‏ ‏سهل‏… ‏دي‏ ‏ناس‏ ‏صاحية‏ ‏وعارفة‏ ‏الصح‏ ‏من‏ ‏الغلط‏…‏
‏(‏آدم‏… ‏أنت‏ ‏لما‏ ‏بتقف‏ ‏علي‏ ‏مبني‏ ‏عالي‏ ‏هل‏ ‏ممكن‏ ‏تسقط‏ ‏ف‏ ‏لحظة‏ ‏تحت‏ ‏علي‏ ‏الأرض‏ ‏بمزاجك؟‏)‏
لا‏ ‏طبعا‏… ‏إلا‏ ‏إذا‏ ‏كنت‏ ‏عاوز‏ ‏انتحر‏!!‏
‏(‏جميل‏…. ‏طيب‏ ‏أنا‏ ‏لو‏ ‏مشيت‏ ‏معاك‏ ‏كده‏… ‏ولهيبتك‏ ‏ف‏ ‏الكلام‏ ‏من‏ ‏علي‏ ‏نفس‏ ‏الارتفاع‏ ‏بس‏ ‏بدل‏ ‏ما‏ ‏ننط‏ ‏سحبتك‏ ‏علي‏ ‏أرض‏ ‏مدحدرة‏ ‏ببطء‏ ‏وميل‏ ‏بسيط‏ ‏مش‏ ‏هتلاحظه‏… ‏ووصلنا‏ ‏بعد‏ ‏مدة‏ ‏أطول‏ ‏لنفس‏ ‏مستوي‏ ‏الأرض‏ ‏هل‏ ‏هتحس‏ ‏إنك‏ ‏وقعت‏ ‏أو‏ ‏سقطت؟‏)‏
لا‏ ‏خالص‏… ‏وخصوصا‏ ‏لو‏ ‏الانحناء‏ ‏بسيط‏ ‏والمسافة‏ ‏كبيرة‏…‏
‏(‏إيه‏ ‏الحلاوة‏ ‏دي‏… ‏دانت‏ ‏طلعت‏ ‏بتفهم‏ ‏أهو‏… ‏ده‏ ‏بالظبط‏ ‏اللي‏ ‏بنعمله‏ ‏مع‏ ‏اللي‏ ‏فاكرين‏ ‏نفسهم‏ ‏مفتحين‏… ‏بننزلهم‏ ‏علي‏ ‏دحديرة‏ ‏أو‏ ‏منحدر‏ ‏طويل‏ ‏المدي‏ ‏ضعيف‏ ‏الانحناء‏… ‏بياخدوا‏ ‏وقت‏ ‏بس‏ ‏بنجيبهم‏ ‏وهما‏ ‏في‏ ‏غفلة‏ ‏السكينة‏ ‏سرقاهم‏ ‏ويفوقوا‏ ‏لما‏ ‏يلاقوا‏ ‏نفسهم‏ ‏متساريين‏ ‏بالأرض‏).‏
‏(‏أنا‏ ‏مشرف‏ ‏يا‏ ‏آدم‏ ‏وتحت‏ ‏ايدي‏ ‏فريق‏ ‏كبير‏ ‏بوزع‏ ‏عليه‏ ‏الشغل‏)‏
إيه‏ ‏الحلاوة‏ ‏دي‏… ‏مشرف‏ ‏وفريق‏… ‏وشغل‏…)‏
‏(‏كل‏ ‏إنسان‏ ‏له‏ ‏نطة‏ ‏ضعف‏ ‏أحنا‏ ‏بنحطله‏ ‏الدحيرة‏ ‏بتاعته‏ ‏تحتها‏ ‏ونسحبه‏ ‏بشويش‏ ‏واحدة‏ ‏واحدة‏ ‏لحد‏ ‏ما‏ ‏نجيب‏ ‏مناخيره‏ ‏سوا‏ ‏التراب‏ ‏تعال‏ ‏معايا‏ ‏أوريك‏ ‏أول‏ ‏دحديرة‏ ‏للسقوط‏ ‏المنهج‏.‏
ومشي‏ ‏آدم‏ ‏من‏ ‏جديد‏ ‏الشيطان‏ ‏الوسيطم‏ ‏لحد‏ ‏ما‏ ‏وقف‏ ‏باب‏ ‏مكتوب‏ ‏عليه‏ (‏التدين‏ ‏والبر‏ ‏الذاتي‏).‏
الله‏ ‏يلهنكم‏… ‏أنتم‏ ‏بتستخذموا‏ ‏التدين‏ ‏علشان‏ ‏تجحموا‏ ‏بيه‏ ‏الناس‏!!‏
‏(‏استلمه‏ ‏يا‏ ‏شيطان‏ ‏البر‏ ‏الذاتي‏ ‏والتدين‏… ‏أنا‏ ‏مهمتي‏ ‏خلصت‏ ‏معاه‏ ‏لحد‏ ‏كده‏…)‏
ودخل‏ ‏آدم‏ ‏مع‏ ‏الشيطان‏ ‏الجديد‏ ‏وابتدا‏ ‏يتكلم‏ ‏وقال
‏…..‏
يتبع

التعليقات