موعد‏ ‏مع‏ ‏الشيطان (٣)

إيه‏ ‏الرسومات‏ ‏والطلاسم‏ ‏اللي‏ ‏مالية‏ ‏كل‏ ‏المكان‏ ‏دي‏ ‏شكلها‏ ‏غريب‏ ‏ومرعب‏ ‏جدا‏.. ‏أنا‏ ‏عمري‏ ‏ما‏ ‏شفت‏ ‏حاجة‏ ‏كده‏ ‏ف‏ ‏حياتي‏ ‏كلها‏.‏
‏(‏مستعجل‏ ‏أنت‏ ‏يا‏ ‏آدم‏ ‏وعاوز‏ ‏تفهم‏ ‏كل‏ ‏حاجة‏ ‏مرة‏ ‏واحدة‏.. ‏متقلقش‏ ‏أنت‏ ‏مش‏ ‏هتخرج‏ ‏من‏ ‏مضيفتنا‏ ‏إلا‏ ‏وأنت‏ ‏عارف‏ ‏كل‏ ‏أسرارنا‏.. ‏الأمر‏ ‏جالنا‏ ‏بكده‏ ‏من‏ ‏الخالق‏… ‏وإحنا‏ ‏عبدالمأمور‏).‏
عبدالمأمور‏!!… ‏أما‏ ‏أنت‏ ‏شيطان‏ ‏رجيم‏ ‏صحيح‏… ‏يعني‏ ‏أنت‏ ‏عارف‏ ‏ومتأكد‏ ‏من‏ ‏وجود‏ ‏الله‏ ‏وكمان‏ ‏بتمتثل‏ ‏لأوامره‏ ‏ووظيفتك‏ ‏إنك‏ ‏تخلي‏ ‏الإنسان‏ ‏يلحد‏ ‏وينكر‏ ‏وجود‏ ‏الله‏!!.‏
‏(‏يا‏ ‏عبيط‏… ‏ما‏ ‏هو‏ ‏طالما‏ ‏أنا‏ ‏موجود‏ ‏يبقي‏ ‏لازم‏ ‏الله‏ ‏يكون‏ ‏موجود‏… ‏بس‏ ‏دي‏ ‏شغلتي‏ ‏ووظيفتي‏ ‏وأكل‏ ‏عيشي‏ ‏هنا‏ ‏ف‏ ‏جهنم‏… ‏ولازم‏ ‏أنفذ‏ ‏المطلوب‏ ‏مني‏ ‏علي‏ ‏أكمل‏ ‏وجه‏… ‏وإلا‏ ‏أتعاقب‏…)‏
طيب‏ ‏ممكن‏ ‏تفهمني‏ ‏إيه‏ ‏الطلاسم‏ ‏دي‏ ‏اللي‏ ‏ع‏ ‏الجدران؟‏ ‏وليه‏ ‏مقصوصة‏ ‏كده؟‏!.‏
‏(‏بص‏ ‏يا‏ ‏آدم‏… ‏أنت‏ ‏علشان‏ ‏تخلي‏ ‏حد‏ ‏ينكر‏ ‏وجود‏ ‏كيان‏ ‏أو‏ ‏شخص‏ ‏أو‏ ‏حاجة‏ ‏تفتكر‏ ‏إيه‏ ‏أقوي‏ ‏وأسرع‏ ‏سلاح‏ ‏يخليك‏ ‏تحقق‏ ‏ده؟‏).‏
مش‏ ‏عارف
‏(‏أقولك‏ ‏أنا‏… ‏أول‏ ‏خطوة‏ ‏هي‏ ‏إنك‏ ‏تشككه‏ ‏فيها‏)‏
وبعدين‏…‏
‏(‏وبعدين‏ ‏تخلي‏ ‏كل‏ ‏الظروف‏ ‏والأحداث‏ ‏تؤأكد‏ ‏شكه‏ ‏ده‏)‏
وبعدين‏…‏
‏(‏هيبدأ‏ ‏يكرهها‏ ‏لوحده‏…‏
وبمجرد‏ ‏ما‏ ‏حد‏ ‏بيكره‏ ‏حاجة‏ ‏هو‏ ‏بنفسه‏ ‏بيكون‏ ‏الجيش‏ ‏اللي‏ ‏بيحاربها‏ ‏بكل‏ ‏قوته‏ ‏وعقله‏ ‏ومنطقة‏ ‏ولسانه‏…)‏
طيب‏ ‏أنتم‏ ‏بتشككوا‏ ‏إزاي‏ ‏الناس‏ ‏ف‏ ‏وجود‏ ‏ربنا؟
‏(‏بص‏ ‏يا‏ ‏معلم‏… ‏إحنا‏ ‏لو‏ ‏ركزنا‏ ‏ع‏ ‏الله‏ ‏في‏ ‏حد‏ ‏ذاته‏ ‏لازم‏ ‏هنخسر‏… ‏لأن‏ ‏وجوده‏ ‏صارخ‏ ‏في‏ ‏كل‏ ‏حاجة‏… ‏كل‏ ‏نفس‏ ‏حي‏… ‏كل‏ ‏عملية‏ ‏إعجاز‏ ‏خلق‏ ‏في‏ ‏رحم‏ ‏الأم‏.. ‏الكون‏ ‏اللي‏ ‏مضبوط‏ ‏بالفيمتو‏ ‏ثانية‏… ‏وملايين‏ ‏الأدلة‏ ‏اللي‏ ‏تؤكد‏ ‏وجود‏ ‏قوي‏ ‏عظيمة‏ ‏متحكمة‏ ‏بدقة‏… ‏يا‏ ‏جدع‏ ‏دانت‏ ‏لو‏ ‏جبت‏ ‏كوباية‏ ‏وقلت‏ ‏لواحد‏ ‏دي‏ ‏موجودة‏ ‏كده‏ ‏وخلاص‏ ‏ومحدش‏ ‏صنعها‏ ‏هيقول‏ ‏عليك‏ ‏مجنون‏ ‏فما‏ ‏بالك‏ ‏الجبروت‏ ‏ده‏ ‏كله‏ ‏ف‏ ‏الخلقة‏ ‏والكون‏ ‏م‏ ‏الآخر‏.‏
هتكون‏ ‏لعبة‏ ‏خسرانة‏ ‏بالنسبا‏ ‏لنا‏ ‏لو‏ ‏الله‏ ‏كان‏ ‏هو‏ ‏الهدف‏ ‏مباشرة‏)‏
أومال‏ ‏بتركزوا‏ ‏ف‏ ‏إيه؟
بنركز‏ ‏ف‏ ‏البشر‏ ‏اللي‏ ‏بيقولوا‏ ‏إنهم‏ ‏بيعبدوا‏ ‏الله‏ ‏ومؤمنين‏ ‏بيه‏… ‏كمان‏ ‏بنستخدم‏ ‏قدرتنا‏ ‏وذكاءنا‏ ‏علشان‏ ‏نخلي‏ ‏العقول‏ ‏دي‏ ‏تفسر‏ ‏كلام‏ ‏ووصايا‏ ‏ربنا‏ ‏علي‏ ‏مزاجهم‏ ‏فنخلي‏ ‏الكل‏ ‏يكره‏ ‏بعضه‏ ‏ويشتم‏ ‏بعضه‏ ‏ويقتل‏ ‏بعضه‏…‏
ونخلي‏ ‏اللي‏ ‏عوزينه‏ ‏يلحد‏ ‏يقعد‏ ‏يفكر‏ ‏ويحلل‏ ‏فيقول‏ ‏إيه‏ ‏ده‏ ‏إيه‏ ‏التعصب‏ ‏والكره‏ ‏والحروب‏ ‏والأذية‏ ‏اللي‏ ‏الناس‏ ‏اللي‏ ‏بتعبد‏ ‏ربنا‏ ‏بيعملوه‏ ‏ف‏ ‏بعضهم‏ ‏ده‏ ‏لمجرد‏ ‏اختلاف‏ ‏الأفكار‏… ‏لما‏ ‏التعصب‏ ‏للدين‏ ‏بينتج‏ ‏عنه‏ ‏كل‏ ‏المشاكل‏ ‏ده‏ ‏يبقي‏ ‏كده‏ ‏أكيد‏ ‏فيه‏ ‏حاجة‏ ‏غلط‏ ‏فيه‏ ‏وف‏ ‏الخالق‏ ‏اللي‏ ‏خلقه‏ ‏وبنجرجره‏ ‏واحدة‏ ‏واحدة‏ ‏لحد‏ ‏ما‏ ‏يقول‏ ‏بالفم‏ ‏المليان‏ ‏مفيش‏ ‏ربنا‏ ‏وأنا‏ ‏ملحد‏… ‏شفت‏ ‏سهلة‏ ‏ازاي‏!!.‏
‏(‏يعني‏ ‏بنستخدم‏ ‏الناس‏ ‏اللي‏ ‏بيعبدوا‏ ‏ربنا‏ ‏بطريقة‏ ‏غلط‏ ‏في‏ ‏إنهم‏ ‏يخلوا‏ ‏الناس‏ ‏تلحد‏).‏
طيب‏ ‏ما‏ ‏هما‏ ‏برضو‏ ‏من‏ ‏حقهم‏ ‏يفكروا‏ ‏ويحللوا‏ ‏ويستنتجوا‏… ‏مع‏ ‏إني‏ ‏شخصيا‏ ‏مؤمن‏ ‏تماما‏ ‏بوجود‏ ‏الله‏… ‏لكن‏ ‏ليه؟‏… ‏ليه‏ ‏ربنا‏ ‏ما‏ ‏يحسمش‏ ‏اللغط‏ ‏ويبين‏ ‏نفسه‏ ‏والكل‏ ‏هيتأكد‏ ‏إنه‏ ‏موجود‏… ‏ليه‏ ‏سايب‏ ‏الناس‏ ‏كده‏…‏؟‏!‏
‏(‏آدم‏…. ‏أنت‏ ‏إمتي‏ ‏عرفت‏ ‏إن‏ ‏الفراغ‏ ‏اللي‏ ‏حواليك‏ ‏ده‏ ‏مش‏ ‏فراغ‏… ‏وإنه‏ ‏ملين‏ ‏جزيئات‏ ‏وذرات‏ ‏من‏ ‏الأكسجين‏ ‏والنيتروجين‏ ‏وثاني‏ ‏أكسيد‏ ‏الكربون‏ ‏وبخار‏ ‏الماء‏ ‏مع‏ ‏ملايين‏ ‏من‏ ‏العناصر‏ ‏والكائنات‏ ‏الميكروسكوبية؟‏….)‏
يمكن‏ ‏علي‏ ‏أواخر‏ ‏المرحلة‏ ‏الابتدائية‏ ‏كده‏…‏
‏(‏طيب‏ ‏تعرف‏ ‏الكوكب‏ ‏اللي‏ ‏هناك‏ ‏ده‏ ‏بيبعد‏ ‏كام‏ ‏سنة‏ ‏ضوئية‏ ‏عن‏ ‏الأرض؟‏)‏
أنا‏ ‏أصلا‏ ‏أول‏ ‏مرة‏ ‏أشوفه‏!.. ‏يبقي‏ ‏هعرف‏ ‏اللي‏ ‏بتسأل‏ ‏عليه‏ ‏ده‏ ‏إزاي؟‏!‏
‏(‏طيب‏ ‏فهمت‏ ‏معني‏ ‏الموت‏ ‏إمتي؟‏)‏
يعني‏ ‏لما‏ ‏أول‏ ‏مرة‏ ‏شفت‏ ‏جدي‏ ‏مات‏ ‏ف‏ ‏بيتنا‏ ‏بس‏ ‏مكنتش‏ ‏فاهم‏ ‏ولا‏ ‏عارف‏ ‏أكتر‏ ‏من‏ ‏إنه‏ ‏نايم‏ ‏ممدد‏ ‏ومش‏ ‏هنشوفه‏ ‏تاني
‏(‏جميل‏ ‏يا‏ ‏عم‏ ‏آدم‏… ‏لو‏ ‏أنا‏ ‏أخدتك‏ ‏علي‏ ‏شاطئ‏ ‏البحر‏ ‏وقلت‏ ‏لك‏ ‏احفر‏ ‏حفرة‏ ‏ف‏ ‏الرمل‏ ‏وانقل‏ ‏مية‏ ‏البحر‏ ‏جواها‏ ‏بجردل‏… ‏هتعمل‏ ‏إيه؟‏).‏
هقول‏ ‏عليك‏ ‏مجنون‏!! ‏ده‏ ‏أنا‏ ‏لو‏ ‏عشت‏ ‏عمري‏ ‏كله‏ ‏مستحيل‏ ‏ده‏ ‏يحصل‏ ‏ويتم
‏(‏طيب‏ ‏لما‏ ‏هو‏ ‏مستحيل‏… ‏إزاي‏ ‏عاوز‏ ‏تجيب‏ ‏فكر‏ ‏وكيان‏ ‏الله‏ ‏اللانهائي‏ ‏وتشوفه‏ ‏بنظرك‏ ‏المحدود‏ ‏ونطاق‏ ‏إدراكك‏ ‏اللي‏ ‏ميعرفش‏ ‏يشوف‏ ‏بزاوية‏ 360 ‏درجة‏ ‏وهو‏ ‏واقف‏ ‏مش‏ ‏بيتحرك‏….‏
طيب‏ ‏هسألك‏ ‏سؤال‏ ‏تاني‏… ‏ينفع‏ ‏ذرة‏ ‏ماء‏ ‏تدخل‏ ‏في‏ ‏نطاق‏ ‏أشعة‏ ‏الشمس‏ ‏والبروتونات‏ ‏اللي‏ ‏بتنبثق‏ ‏منها‏ ‏وتكون‏ ‏لسه‏ ‏بنفس‏ ‏طبيعتها‏ ‏ذرة‏ ‏ماء؟
لا‏ ‏طبعا‏ ‏مستحيل‏… ‏أكيد‏ ‏دي‏ ‏طبيعة‏ ‏ودي‏ ‏طبيعة‏ ‏تانية‏ ‏خالص‏.‏
‏(‏يبقي‏ ‏الناس‏ ‏إزاي‏ ‏مش‏ ‏مدركة‏ ‏إن‏ ‏علشان‏ ‏يعاينوا‏ ‏عالم‏ ‏الروح‏ ‏لازم‏ ‏يكونوا‏ ‏في‏ ‏نطاق‏ ‏آخر‏ ‏من‏ ‏الإدراك‏ ‏والطبيعة؟
طيب‏ ‏إحنا‏ ‏أخذنا‏ ‏ناس‏ ‏زيك‏ ‏قبل‏ ‏كده‏ ‏وعرفوا‏ ‏وشافوا‏ ‏كل‏ ‏حاجة‏ ‏وبعدها‏ ‏جالنا‏ ‏الأمر‏ ‏من‏ ‏الخالق‏ ‏إنهم‏ ‏يرجعوا‏ ‏تاني‏ ‏للحياة‏ ‏لأنه‏ ‏لسه‏ ‏مش‏ ‏ميعادهم‏ ‏ورجعوا‏ ‏وحكوا‏ ‏للي‏ ‏حواليهم‏ ‏كل‏ ‏اللي‏ ‏شافوه‏.. ‏واتكتب‏ ‏في‏ ‏كتب‏ ‏موثقة‏ ‏بالأحداث‏ ‏اللي‏ ‏تخلي‏ ‏الكافر‏ ‏يؤمن‏ ‏بوجود‏ ‏ربنا‏ ‏وفعلا‏ ‏الملحد‏ ‏منهم‏ ‏آمن‏ ‏بالله‏ ‏وكمل‏ ‏باقي‏ ‏عمره‏ ‏بطريقة‏ ‏مختلفة‏ ‏تماما‏… ‏ده‏ ‏اللي‏ ‏رجعوا‏ ‏حكوا‏ ‏اللي‏ ‏كان‏ ‏بيحصل‏ ‏في‏ ‏مكاتب‏ ‏الدكاترة‏ ‏وفي‏ ‏حجرات‏ ‏عيانين‏ ‏وهو‏ ‏كان‏ ‏ف‏ ‏الوقت‏ ‏ده‏ ‏ميت‏ ‏في‏ ‏مشرحة‏ ‏المستشفي‏… ‏هل‏ ‏ده‏ ‏خلا‏ ‏الإلحاد‏ ‏ينتهي‏ ‏لا‏ ‏بالعكس‏ ‏ده‏ ‏بيزيد‏ ‏كمان‏.‏
طبيب‏ ‏ليه‏.. ‏وازاي؟
‏(‏لأن‏ ‏الملحد‏ ‏ده‏ ‏حبيبنا‏… ‏تبعنا‏ ‏إحنا‏… ‏مذلول‏ ‏لينا‏ ‏ربطينه‏ ‏بسلاسل‏ ‏من‏ ‏الفولاذ‏.. ‏كل‏ ‏واحدة‏ ‏منها‏ ‏أصعب‏ ‏م‏ ‏التانية‏.‏
شهوة‏… ‏مال‏… ‏جنس‏… ‏تعظم‏ ‏معيشة‏… ‏غضب‏… ‏انحراف‏, ‏خلاص‏ ‏بقي‏ ‏مدمن‏ ‏زي‏ ‏الكلب‏ ‏ومصلحته‏ ‏إنه‏ ‏ينكر‏ ‏وجود‏ ‏الله‏ ‏يمكن‏ ‏الجحيم‏ ‏اللي‏ ‏هو‏ ‏فيه‏ ‏يهدأ‏ ‏عليه‏ ‏شوية‏…‏
أصل‏ ‏خلي‏ ‏بالك‏ ‏معايا‏ ‏الحاجات‏ ‏دي‏ ‏أول‏ ‏كام‏ ‏مرة‏ ‏بس‏ ‏اللي‏ ‏بتبقي‏ ‏ليها‏ ‏زهوة‏ ‏بعد‏ ‏كده‏ ‏البني‏ ‏آدم‏ ‏بيكون‏ ‏منساق‏ ‏زي‏ ‏البهيمة‏ ‏وعبد‏ ‏لشيطانه‏ ‏اللي‏ ‏عشش‏ ‏فيه‏ ‏وسلبه‏ ‏حريته‏…‏
بنخليه‏ ‏خاتم‏ ‏ف‏ ‏صباعنا‏ ‏أي‏ ‏حد‏ ‏يطلع‏ ‏بنظرية‏ ‏يطبلله‏ ‏أي‏ ‏حد‏ ‏يقول‏ ‏طيب‏ ‏ربنا‏ ‏فينه‏ ‏من‏ ‏الظلم‏ ‏اللي‏ ‏بيحصل‏ ‏للناس‏ ‏يطبلله‏… ‏أي‏ ‏حد‏ ‏يطلع‏ ‏ويقول‏ ‏لهم‏ ‏المتدينين‏ ‏بيشرحوا‏ ‏وبيقطعوا‏ ‏ف‏ ‏بعض‏ ‏يطبله‏ ‏هو‏ ‏مش‏ ‏دريان‏ ‏أصلا‏ ‏ولا‏ ‏يهمه‏ ‏يدري‏…‏
هو‏ ‏اللي‏ ‏يهمه‏ ‏إنه‏ ‏يكتم‏ ‏الصوت‏ ‏اللي‏ ‏مش‏ ‏هيخليه‏ ‏ينام‏ ‏لو‏ ‏اعترف‏ ‏بوجود‏ ‏ربنا‏… ‏فبيزيط‏ ‏ف‏ ‏الزيطة‏ ‏وهو‏ ‏أغبي‏ ‏من‏ ‏الغباء‏ ‏واجهل‏ ‏من‏ ‏الدابة
لكن‏ ‏بيحس‏ ‏أنه‏ ‏مش‏ ‏لوحده‏ ‏ومعاه‏ ‏عزوة‏.‏
بس‏ ‏اللي‏ ‏أعرفه‏ ‏إنهم‏ ‏ليهم‏ ‏أدلتهم‏ ‏وتفسيراتهم‏ ‏ودعائمهم‏ ‏اللي‏ ‏بيروجوا‏ ‏بيها‏ ‏للالحاد‏.‏
‏(‏طيب‏ ‏ما‏ ‏هو‏ ‏لازم‏ ‏كده‏… ‏وأنت‏ ‏متخيل‏ ‏إننا‏ ‏هيكون‏ ‏لينا‏ ‏جيش‏ ‏من‏ ‏غير‏ ‏سلاح‏)!!.‏
عارف‏ ‏إحنا‏ ‏بنعمل‏ ‏إيه‏… ‏إحنا‏ ‏بنخلي‏ ‏الإنسان‏ ‏يعوز‏ ‏إنه‏ ‏يحط‏ ‏رأسه‏ ‏برأس‏ ‏ربنا‏ ‏ف‏ ‏طبعا‏ ‏لازم‏ ‏ميفهمش‏… ‏ف‏ ‏ببساطة‏ ‏بيلحد‏.‏
الله‏ ‏واحد‏ ‏تعاليمه‏ ‏واحدة‏ ‏وصاياه‏ ‏واحدة‏… ‏الإنسان‏ ‏وتفسيراته‏ ‏ومحاولاته‏ ‏البشرية‏ ‏للخوض‏ ‏في‏ ‏نوايا‏ ‏وتفكير‏ ‏وترتيب‏ ‏الخالق‏ ‏هي‏ ‏سبب‏ ‏تعاسته‏.‏
الإنسان‏ ‏جواه‏ ‏روح‏ ‏هي‏ ‏جزء‏ ‏من‏ ‏روح‏ ‏الخالق‏ ‏لو‏ ‏تحسس‏ ‏الصح‏ ‏والغلط‏ ‏فيها‏ ‏وبيها‏ ‏بالسليقة‏ ‏هيعرف‏ ‏بسهولة‏ ‏جدا‏ ‏اللي‏ ‏الله‏ ‏عاوزه‏ ‏وهيوفر‏ ‏علي‏ ‏نفسه‏ ‏توهان‏ ‏كتير‏).‏
إيه‏ ‏ده‏… ‏إيه‏ ‏ده‏… ‏إيه‏ ‏النار‏ ‏المرعبة‏ ‏اللي‏ ‏هناك‏ ‏دي‏… ‏وإيه‏ ‏صوت‏ ‏الصريخ‏ ‏اللي‏ ‏جاي‏ ‏من‏ ‏هناك‏ ‏ده‏!!.‏
‏(‏بشويش‏ ‏علينا‏ ‏يا‏ ‏آدم‏… ‏هتشوف‏ ‏كل‏ ‏حاجة‏ ‏وهتفهم‏ ‏كل‏ ‏حاجة‏…)‏
ومشي‏ ‏الشيطان‏ ‏مع‏ ‏آدم‏ ‏مسافات‏ ‏رهيبة‏ ‏في‏ ‏لمح‏ ‏البصر‏ ‏لحد‏ ‏ما‏ ‏وقفوا‏ ‏قدام‏ ‏باب‏ ‏ضخم‏ ‏مكتوب‏ ‏عليه؟؟‏.‏
يتبع

التعليقات