شيع اليوم جثمان بارومى جرجس والد جرجس بارومى ، بعد صراع مع المرض وكانت كل أمنيته قبل وفاته أن يرى ابنه جرجس المحبوس ظلما منذ 2009 فى قضية أحداث فرشوط، والتي كان فيها كبش فداء وضحية لمذبحة نجع حمادى التى ارتكابها حمام الكمونى وقتل 6 أقباط وشرطي .
بالبكاء والدموع صرخت زوجته ” وهى تقول كان كل أمنيته أن يشوف ابنه جرجس ، و آخر كلمات نطق بها ” جرجس” ، حرام يموت ويحرم من أنه يشوف ابنه المظلوم ، وانا كمان خايفه اموت من غير ما اشوفه ، ابوها عاش مشلول طول الوقت من يوم ما خرجنا من بلدنا واحنا كل املنا نشوف جرجس وانا بناشد المسئولين الإفراج عنه علشان يكون سندى لان انا وحدى مفيش غير اخوه اللى طول الوقت بره فى شغله ، يرحموا ام ضعيفة و يفرجوا عن جرجس المسكين المظلوم وكفاية 12 سنه حبس ظلم .
من جانبه قال القس متياس كاهن كنيسة القديسة بربارة والانبا كاراس إن وفاة والد جرجس خبر محزن ، وكان أمله الوحيد أن يرى ابنه ، وكل أملنا أن تستجيب الدولة لمناشدة الام المسكينة والإفراج عن أبنها حتى يكون سند لها بعد رحيل زوجها ، ويكفى ما عاشه من سنوات داخل السجن .