من أغنا جدور كلامنا
الجدر المصري الأصلي اللي ف الصورة بالحرف الهيروجليفي:
برك = هدية/ عطية/ صلاة
فعل الصلاة نفسه ف حالة النزول والقرب من الأرض مع رفع الايدين للسما والدعا، زاي مخصص الايدين المرفوعة ف الصورة .. ده تقريبن الوضع الأساسي لصلاة المصري القديم
تصاريف كتير وبركة كبيرة من الجدر المصري الأصلي:
بركة: تصريفة للعطا والزيادة!
يارب تبارك وتزيده
برك: تصريفة للنزول
الجمل برك/ البقرة بركت/ الحصان برك ع الأرض .. لخ
مباركة: تصريفة ف صيغة المفعول. مقصود بيها تقديم هدية. يعني الأصل ف المباركة انها عطية وهدية. وان كانت دلوقتي مجرد هدية شفوية يعني كلام حلو والسلام!
كمان من تصاريف الجدر “برك” أسامي للرجالة والستات:
مبروك ومبروكة/ مبارك ومباركة .. حتا اسم الرئيس الأمريكي؛ باراك!
ملحوظة: بوستات اللغة المصري دي بتحاول تربطنا بأهم باب لدراسة الهوية المصرية؛ اللغة.
تقدر ولازم تعرف لغات العالم. عربي وانجليزي وصيني. بس احفظ كلامك يا مصري يا فاهم!
#بنتكلم_مصري قواعد وألفاظ.
#كلامنا_مصري نحو وصرف وألفاظ وأصوات وعادات لغوية
ملحوظة: هذا المقال مكتوب باللغة المصرية وليس باللغة العربية.. الكلمات قد تبدو بها أخطاء إملائية مقارنة باللغة العربية، لكنها في الحقيقة صحيحة بحسب القواعد اللغوية للغة المصرية.