نشرت الصفحة الرسمية لكاتدرائية رئيس الملائكة ميخائيل – بإيبارشية أسيوط على موقع التواصل الاجتماعي فيسبوك ،مقطع فيديو مصور يظهر فيه نيافة الأنبا يؤانس أسقف أسيوط وتوابعها وهو يقول :”امبارح أثناء الدورة واحد من الاخوة المباركين البسطاء بس كان شديد قوي هو يمكن اكبر مني في السن بس يديه كانوا زي الحديد وانا ماشي في الدورة مسك العصاية وشد العصاية علشان يعني يأخذ بركة فأنا ميزاني اختل، انا دلوقت مش حمل حد يشد الشدة دي”
وتابع الأنبا يؤانس:”في الحقيقه انا ضربته على رأسه وهذا خطاء، وأنا مش عارف اوصل له ،فايريت اللي يعرفه يجيبه لي علشان نبوس فوق راسه اللي ضربناها.
وتابع أسقف أسيوط :”لكن برده عايز اقول حاجه احبائي خلينا دائما نمشي بهدوء في وسط الزحمة دي ما ينفعش احد يتعامل بالقوة كده واحنا دلوقتي مش حمل كدا ،ربنا معاكم ويبارك فيكم ويجعل الاحتفال يعدي بسلامة وبركة وهدوء وما حدش يزعل خالص من الكبير إلى الصغير ومن الصغير الي الكبير”.
يذكر ان في عام 2018 تعرض الأنبا يؤانس لحادث مروري بسيارته بالطريق الدائرى أثناء توجه لترأس تسبحة كيهك السنوية بكنيسة السيدة العذراء مريم بأرض الجولف ،وخضع إلى عملية جراحية تم خلالها تركيب مسمار نخاعى وشرائح فى الفخذ والقدم اليسرى بأحد المستشفيات بالقاهرة.
لينك ..