أصحاب القلوب الطيبة شخصيتهم حساسه وبتعاني من التقلبات المزاجية.. لا عندهم اضطربات نفسيه ولا مجنونه ولا بيدورا على مشاكل الناس..
لكن عندهم مرض اسمه إنسانية والمرض ده أوڤر عندهم شوية بيفرحوا لاي حد بسرعه وفي نفس الحظة بيحزنوا حد القهر لو بس سمعت خبر سئ عن حد..
بيضحكوا من قلبهم ضحكة تخطف القلب وفي نفس اللحظة ممكن يفتكروا لحظة قاسية تشق قلبهم من الوجع..
لما شخص يزعلهم و تفكر انها تعاتبه ويزعل من عتابها، ترجع تزعل من نفسها انها عاتبت على الرغم إن معاها حق..
الفراغ بالنسبالهم مصدر سلبي لأي حاجة وحشة لأن ابسط موقف بيحصل يفضلوا قاعدين مع نفسهم ويفكروا في كل المواقف الصعبة اللي تعرضت ليها
القلب الطيب أكتر شخصية بتدي الحب بدون مقابل و اكتر شخصية ممكن تزعل من الحب ده لو كان سبب في اضعافها
مبتريحش نفسها لانها ببساطة بتزعل و تفضل تكتم جواها لحد ما تقرر إنها متتعاملش مع حد أو لما تفكر تتعامل تقسي أوي على اللي قدمها
و ترجع تندم على اللي بتعمله لأن ده مش من طبعها الناس دي بتحس مليون إحساس عكس بعض كل يوم جواها صراع مابيخلصش
وفكر ما بيقفش
التعامل مع القلوب الطيبة ليه ميزه و عيب !!
الميزه إنهم حنين جداً عكس مابيظهروا وبيسامحوا أوقات كتير
العيب بيدققوا في التفاصيل أوي عايزين معاملة من اللي قدامهم زي اللي بيعاملوا بيها الطرف الآخر وبيبقوا في الأغلب مرايا للشخص اللي بيتعاملو معاه و ده بيسبب لهم مشكلة أكتر لما يتعاملوا مع شخصيات مختلفة عنهم لأنهم للأسف مش بيلاقوا المعاملة إلى مستنينها
بيسامحوا مرة واثنين وثلاثة بعد كده لما يقلبوا بيكونوا شخصيات تانية عصبية جدا ممكن ده يسبب لهم قلة ثقة بالنفس جواهم و إحيانا في كل اللي حواليهم
القلوب الطيبة بتكتم جواها و بتحاول تراعي مشاعر غيرها ومبتقطعش كل حبال الوصل في الزعل والضيقة ولاحتى في الفراق
و ده مبيكونش ضعف منها هي بس باقية علي العشره إنما لما بتقلب مبتعرفش ترجع زي الأول
نصيحة قدروا وجود الناس دي في حياتكم لأن وجودهم سند حقيقي لأنهم أكتر ناس ممكن يهتموا بجد وأكتر ناس لما تزعل بتبعد بجد…